കണ്ണൂര് എഡിഎം ആയിരുന്ന നവീന് ബാബുവിന്റെത് ആത്മഹത്യ തന്നെയെന്ന് പോസ്റ്റ്മോര്ട്ടം റിപ്പോര്ട്ട്. പുലര്ച്ചെ നാലരയ്ക്കും അഞ്ചരയ്ക്കും ഇടയിലാണ് മരണമെന്നാണ് റിപ്പോര്ട്ടില് പറയുന്നത്. നവീന് ബാബുവിന്റെ ശരീരത്തില് മുറിവുകളോ മറ്റ് പാടുകളോ ഇല്ലെന്നും റിപ്പോര്ട്ട് വ്യക്തമാക്കുന്നു. കഴുത്തില് കയര് മുറുകിയാണ് മരണം സംഭവിച്ചതെന്ന് ഇന്ക്വസ്റ്റ് റിപ്പോര്ട്ടിലുണ്ടായിരുന്നു.
ശരീരത്തില് മറ്റ് മുറിവുകളോ മൂന്നാമതൊരാളുടെ സാന്നിധ്യമോ സംശയിക്കാവുന്ന മറ്റ് ഘടകങ്ങളോ ഇല്ലെന്നും ഇന്ക്വസ്റ്റ് റിപ്പോര്ട്ടിലും സൂചനയുണ്ടായിരുന്നു. 4.58ന് നവീന് കളക്ടറേറ്റിലെ രണ്ട് ഉദ്യോഗസ്ഥര്ക്ക് സന്ദേശം അയച്ചിരുന്നു. ഭാര്യയുടെയും മകളുടെയും ഫോണ് നമ്പറായിരുന്നു അയച്ചത്. എന്നാല് നവീന്റെ മരണ വിവരം പുറത്തുവന്നതിന് ശേഷമാണ് ഇരുവരും സന്ദേശം കണ്ടത്.
നവീന് ബാബു പെട്രോള് പമ്പിന് എന്.ഒ.സി. അനുവദിക്കുന്നതില് വഴിവിട്ട് ഇടപെടല് നടത്തിയെന്നും അതിനുള്ള തെളിവുണ്ടെന്നുമാണ് പി.പി.ദിവ്യ അവരുടെ എ.ഡി.എമ്മിന്റെ യാത്രയയപ്പ് യോഗത്തിലെത്തി ആരോപിച്ചത്. തന്റെ കൈവശമുള്ള തെളിവുകള് ആവശ്യമുള്ളപ്പോള് പുറത്തുവിടുമെന്നും ദിവ്യ അറിയിച്ചിരുന്നു. ദിവ്യയുടെ ആരോപണത്തിന് പിന്നാലെയാണ് നവീന് ബാബുവിനെ ക്വാര്ട്ടേഴ്സില് തൂങ്ങിമരിച്ച നിലയില് കണ്ടെത്തിയത്.
TAGS : ADM NAVEEN BABU | POSTMORTEM
SUMMARY : Naveen Babu’s suicide; Postmortem report out
WhatsApp
Telegram
