ബെംഗളൂരു: ജീവനോടെ മണ്ണിൽ കുഴിച്ചുമൂടിയ നവജാതശിശുവിനെ രക്ഷപ്പെടുത്തി. സർജാപുര പോലീസ് സ്റ്റേഷൻ പരിധിയിലെ കത്രിഗുപ്പെ ദിന്നെ ഗ്രാമത്തിൽ തിങ്കളാഴ്ചയാണ് സംഭവം. രാവിലെ 9 മണിയോടെ നാട്ടുകാരാണ് കുഞ്ഞിനെ പാതി കുഴിച്ചിട്ട നിലയിൽ കണ്ടെത്തിയത്. ഇവർ ഉടൻ പോലീസിനെയും മറ്റ് ഗ്രാമവാസികളെയും വിവരമറിയിച്ചു. തുടർന്ന് പോലീസെത്തി കുട്ടിയെ രക്ഷിക്കുകയായിരുന്നു.
ഒരു ദിവസം മാത്രം പ്രായമുള്ള കുഞ്ഞിനെയാണ് കുഴിച്ചിട്ടതെന്ന് പോലീസ് പറഞ്ഞു. കുട്ടിയെ കൊലപ്പെടുത്താനുള്ള ശ്രമമാണ് നടന്നതെന്നും, മാതാപിതാക്കൾക്ക് സംഭവത്തിൽ പങ്കുള്ളതായി സംശയിക്കുന്നുണ്ടെന്നും പോലീസ് പറഞ്ഞു. കുഞ്ഞിനെ ചികിത്സയ്ക്കായി ബൊമ്മസാന്ദ്രയിലെ സർക്കാർ ആശുപത്രിയിലേക്ക് മാറ്റി. മാതാപിതാക്കൾക്കായി അന്വേഷണം ആരംഭിച്ചതായി പോലീസ് ഉദ്യോഗസ്ഥർ പറഞ്ഞു.
TAGS: BENGALURU | CRIME
SUMMARY: Alert villager rescues newborn baby buried alive in Bengaluru
