ബെംഗളൂരു: ഓണക്കാലത്തെ യാത്രക്കാരുടെ തിരക്ക് കണക്കിലെടുത്ത് തിരുവനന്തപുരം നോർത് – മംഗളൂരു ജങ്ഷൻ റൂട്ടില് റെയിൽവേ സ്പെഷൽ ട്രെയിന് അനുവദിച്ചു.
തിരുവനന്തപുരം നോർത് – മംഗളൂരു സ്പെഷൽ(06093 )
ആഗസ്റ്റ് 12, 19, 26, സെപ്റ്റംബർ രണ്ട് തീയതികളിൽ (ബുധനാഴ്ചകളിൽ) രാവിലെ ഒമ്പതിന് തിരുവനന്തപുരം നോർത്തിൽ നിന്ന് പുറപ്പെട്ട് അന്ന് രാത്രി ഒൻപതിന് മംഗളൂരുവിലെത്തും.
മംഗളൂരു- തിരുവനന്തപുരം സെൻട്രൽ സ്പെഷൽ(06094 ):ആഗസ്റ്റ് 13, 20, 27, സെപ്റ്റംബർ മൂന്ന് തീയതികളിൽ (വ്യാഴാഴ്ചകളിൽ) ഉച്ചക്ക് 3.15ന് മംഗളൂരുവിൽ നിന്ന് പുറപ്പെട്ട് അടുത്ത ദിവസം പുലർച്ചെ 5.30ന് തിരുവനന്തപുരം സെൻട്രലിലെത്തും. വർക്കല, കൊല്ലം, കായംകുളം, മാവേലിക്കര, ചെങ്ങന്നൂർ, തിരുവല്ല, ചങ്ങനാശ്ശേരി, കോട്ടയം, എറണാകുളം ടൗൺ, ആലുവ, തൃശൂർ, ഷൊർണൂർ, തിരൂർ, കോഴിക്കോട്, വടകര, തലശ്ശേരി, കണ്ണൂർ, പയ്യന്നൂർ, കാഞ്ഞങ്ങാട്, കാസറഗോഡ് എന്നിങ്ങനെയാണ് കേരളത്തിലെ സ്റ്റോപ്പുകൾ.
