തിരുവനന്തപുരം: സംസ്ഥാനത്തെ തദ്ദേശ സ്ഥാപന അധ്യക്ഷന്മാരുടെയും ഉപാധ്യക്ഷന്മാരുടേയും തിരഞ്ഞെടുപ്പ് ഇന്ന് നടക്കും. കോര്പ്പറേഷനുകളിലെ മേയര് തിരഞ്ഞെടുപ്പ് രാവിലെ പത്തരയ്ക്കും ഡെപ്യൂട്ടി മേയര് തിരഞ്ഞെടുപ്പ് ഉച്ചയ്ക്ക് ശേഷം രണ്ടരയ്ക്കും നടക്കും. കണ്ണൂര്, തൃശ്ശൂര്, കൊച്ചി കോര്പ്പറേഷനുകളിലെ മേയര്സ്ഥാനങ്ങള് വനിതകള്ക്കായി സംവരണം ചെയ്തിരിക്കുകയാണ്. മുനിസിപ്പാലിറ്റി ചെയര്മാന്, വൈസ് ചെയര്മാന് തിരഞ്ഞെടുപ്പും ഇന്ന് നടക്കും. അതേസമയം പഞ്ചായത്തുകളിൽ അദ്ധ്യക്ഷ തിരഞ്ഞെടുപ്പ് നാളെയാണ്.
സത്യപ്രതിജ്ഞ ചെയ്ത് അംഗമായിട്ടില്ലാത്തവർക്ക് വോട്ടവകാശമുണ്ടാവില്ല. കണ്ണൂർ, കൊച്ചി, തൃശൂർ, കൊല്ലം കോർപ്പറേഷനുകളിൽ യുഡിഎഫ് മേയർ വരും. തിരുവനന്തപുരത്ത് ഇതാദ്യമായി അധികാരം പിടിച്ച ബിജെപിക്കാണ് മേയർ പദവി. കോഴിക്കോട് മാത്രമാണ് എൽഡിഎഫിന് മേയറുണ്ടാവുക. വോട്ടവകാശമുളള അംഗങ്ങളുടെ പകുതിയാണ് ക്വാറം തികയാൻ വേണ്ടത്. സ്ഥാനാർത്ഥിയെ ഒരംഗം നാമനിർദേശം ചെയ്യുകയും ഒരാൾ പിൻതാങ്ങുകയും വേണം.
തലസ്ഥാന നഗരസഭയില് വി വി രാജേഷ് ആണ് ബിജെപിയുടെ മേയര് സ്ഥാനാര്ത്ഥി. ആശാനാഥ് ഡെപ്യൂട്ടി മേയര് സ്ഥാനത്തേക്ക് മത്സരിക്കും. എല്ഡിഎഫ് ആര് പി ശിവജിയെയും യുഡിഎഫ് കെ എസ് ശബരിനാഥിനെയും മേയര് സ്ഥാനാര്ത്ഥികളായി പ്രഖ്യാപിച്ചിട്ടുണ്ട്. കോണ്ഗ്രസിലെ മേരി പുഷ്പമാണ് ഡെപ്യൂട്ടി മേയര് സ്ഥാനാര്ത്ഥി.
കൊല്ലത്ത് യുഡിഎഫ്, കോണ്ഗ്രസിന്റെ എ കെ ഹഫീസിനെയാണ് മേയര് സ്ഥാനത്തേക്ക് മത്സരിപ്പിക്കുന്നത്. ാമരക്കുളത്തുനിന്നുള്ള പ്രതിനിധിയാണ് ഹാഫിസ്. ഡോ. ഉദയ സുകുമാരനാണ് ഡെപ്യൂട്ടി മേയര് സ്ഥാനാര്ത്ഥി. കന്നിമേല് ഡിവിഷനില് നിന്നും വിജയിച്ച പി ജി രാജേന്ദ്രനാണ് എല്ഡിഎഫിന്റെ മേയര് സ്ഥാനാര്ത്ഥി. എന്ഡിഎയുടെ മേയര് സ്ഥാനാര്ത്ഥി ജി ഗിരീഷും ഡെപ്യൂട്ടി മേയര് സ്ഥാനാര്ത്ഥി ബി ഷൈലജയുമാണ്.
കൊച്ചിയില് കോണ്ഗ്രസിന്റെ വി കെ മിനിമോള് ആണ് യുഡിഎഫിന്റെ മേയര് സ്ഥാനാര്ത്ഥി. കോണ്ഗ്രസിന്റെ ദീപക് ജോയി ഡെപ്യൂട്ടി മേയര് സ്ഥാനാര്ത്ഥിയുമാണ്. കെപിസിസി ജനറല് സെക്രട്ടറി ദീപ്തി മേരി വര്ഗീസിനെ മേയര് സ്ഥാനത്തേക്ക് തഴഞ്ഞത് ഏറെ ചര്ച്ചയായിരുന്നു.
തൃശൂര് കോര്പ്പറേഷനില് ഡോ. നിജി ജസ്റ്റിനാണ് യുഡിഎഫിന്റെ മേയര് സ്ഥാനാര്ത്ഥി. എ. പ്രസാദാണ് ഡെപ്യൂട്ടി മേയര് സ്ഥാനാര്ത്ഥി.
കോഴിക്കോട് കോര്പ്പറേഷനില് ഒ സദാശിവന് ആണ് ഇടതുമുന്നണിയുടെ മേയര് സ്ഥാനാര്ത്ഥി. ഡോ. എസ്. ജയശ്രീയാണ് ഡെപ്യൂട്ടി മേയര് സ്ഥാനാര്ത്ഥി.
കണ്ണൂര് കോര്പ്പറേഷനില് നിലവിലെ ഡെപ്യൂട്ടി മേയറായ പി ഇന്ദിരയാണ് യുഡിഎഫിന്റെ മേയര് സ്ഥാനാര്ത്ഥി. മുസ്ലിം ലീഗ് അംഗം കെ പി താഹിറാണ് ഡെപ്യൂട്ടി മേയര് സ്ഥാനാര്ത്ഥി.
SUMMARY: Posts of Mayor and Deputy Mayor in Corporation will be known today
കൊളംബോ: അന്താരാഷ്ട്ര സമുദ്ര അതിര്ത്തി ലംഘിച്ച് മത്സ്യബന്ധനം നടത്തിയതായി ആരോപിച്ച് 11 ഇന്ത്യക്കാരെ ശ്രീലങ്കന് നാവികസേന അറസ്റ്റ് ചെയ്തു. ഇവരുടെ…
ബെംഗളൂരു: നമ്മ മെട്രോയുടെ ഗ്രീൻ, പർപ്പിൾ പാതകളിൽ തിരക്ക് കുറക്കാനുള്ള നടപടികളുമായി ബാംഗ്ലൂര് മെട്രോ റെയിൽ കോർപ്പറേഷൻ(ബി.എം.ആർ.സി.എൽ). സിൽക്ക് ഇൻസ്റ്റിറ്റ്യൂട്ട്…
ആലപ്പുഴ: ആലപ്പുഴയിൽ യുവ അഭിഭാഷകയെ മരിച്ചനിലയിൽ കണ്ടെത്തി. പുന്നപ്ര പറവൂർ തൂക്കുകുളം സ്വദേശി അഡ്വ. അഞ്ജിത ബി. പിള്ള (23) യാണ്…
ബെംഗളൂരു: നടൻ ദർശന്റെ ഭാര്യ വി ജയലക്ഷ്മിക്കെതിരായി സാമൂഹിക മാധ്യമങ്ങളിൽ അപകീര്ത്തി പോസ്റ്റ് ഇടുകയും മോശം സന്ദേശങ്ങള് അയക്കുകയും ചെയ്ത…
തിരുവനന്തപുരം: മുൻ മന്ത്രിയും എംഎൽഎയുമായ ആന്റണി രാജു പ്രതിയായ തൊണ്ടിമുതൽ തിരിമറിക്കേസിൽ നെടുമങ്ങാട് ജുഡീഷ്യൽ ഫസ്റ്റ്ക്ലാസ് മജിസ്ട്രേറ്റ് കോടതി ഇന്ന്…
ബെംഗളൂരു: കുടകിൽ കാട്ടാനയുടെ കുത്തേറ്റ് വയോധികൻ കൊല്ലപ്പെട്ടു. സെകാർപേട്ടയിലെ ഹുസെ ഗ്രാമത്തിൽ നിന്നുള്ള പൊന്നപ്പ (61) ആണ് കൊല്ലപ്പെട്ടത്. കാപ്പിത്തോട്ടം…