ആന്ധ്രയില്‍ വാഹനാപകടം; ബെംഗളൂരുവിൽ നിന്നുള്ള ഒരു കുടുംബത്തിലെ അഞ്ച് പേര്‍ മരിച്ചു

ബെംഗളൂരു: ആന്ധ്രയിലുണ്ടായ വാഹനാപകടത്തില്‍ ബെംഗളൂരുവിൽ നിന്നുള്ള ഒരു കുടുംബത്തിലെ അഞ്ച് പേര്‍ക്ക് ദാരുണാന്ത്യം. ബുധനാഴ്ച രാവിലെ 8.45 ഓടെ ചിറ്റൂർ ജില്ലയിലെ ഗംഗാവരം ദണ്ഡപ്പള്ളി ക്രോസിൽ ബെംഗളൂരു-ചെന്നൈ ദേശീയപാതയിൽ നിയന്ത്രണം വിട്ട് കണ്ടെയ്‌നർ ട്രക്കിന്റെ പിന്നിൽ ഇടിച്ചാണ്  അപകടം. ബെംഗളൂരുവിലെ രാജാജിനഗറിൽ നിന്നും തിരുപ്പതിയിലേക്ക് പോകുകയായിരുന്ന കുടുംബം സഞ്ചരിച്ച കാര്‍ ആണ് അപകടത്തില്‍പ്പെട്ടത്. മോഹൻദാസ് (71), നാഗരാജു റാവു (61), കുസുമ (61), ജയന്തി (59), പൂജ (31) എന്നിവരാണ് മരിച്ചത്.

ഇടിയുടെ ആഘാതത്തില്‍ അഞ്ച് പേരും സംഭവസ്ഥലത്ത് വെച്ച് തന്നെ മരിച്ചു. കൂടുതല്‍ വിവരങ്ങള്‍ ലഭ്യമായിട്ടില്ല. ഡ്രൈവർക്ക് ഉറക്കം വന്നതുമാണ് അപകടത്തിന് കാരണമെന്ന് സംശയിക്കുന്നതായി പോലീസ് പറഞ്ഞു.
SUMMARY: Road accident in Andhra Pradesh; Five members of a family from Bengaluru die