ന്യൂഡൽഹി: മുൻ ഉപപ്രധാനമന്ത്രിയും മുതിർന്ന ബി.ജെ.പി. നേതാവുമായ എൽ.കെ.അദ്വാനിയെ ആശുപത്രിയിൽ പ്രവേശിപ്പിച്ചു. ഡൽഹി അപ്പോളോ ആശുപത്രിയിലാണ് അദ്ദേഹത്തെ പ്രവേശിപ്പിച്ചിരിക്കുന്നത്. ശ്വാസകോശ അണുബാധയെത്തുടർന്ന് വൈകുന്നേരം 7.30 ഓടെയാണ് ആശുപത്രിയിൽ പ്രവേശിപ്പിച്ചത്. ആരോഗ്യനില നിലവിൽ തൃപ്തികരമെന്നാണ് വിവരം.
വാർദ്ധക്യസഹജമായ ആരോഗ്യപ്രശ്നങ്ങളെ തുടർന്ന് ഈ വർഷം മെയ് മാസത്തിലും അദ്ദേഹത്തെ അപ്പോളോ ആശുപത്രിയിൽ പ്രവേശിപ്പിച്ചിരുന്നു. ഏതാനും ദിവസത്തെ ചികിത്സയ്ക്ക് ശേഷമാണ് അന്ന് അദ്ദേഹം ഡിസ്ചാർജ് ആയി മടങ്ങിയത്.
അടുത്തിടെ പ്രധാനമന്ത്രി നരേന്ദ്ര മോദി ന്യൂഡൽഹിയിലെ വസതിയിലെത്തി അദ്വാനിയെ സന്ദർശിച്ചിരുന്നു. ഒക്ടോബർ 7-ന് ആയിരുന്നു സന്ദർശനം.
SUMMARY: Senior BJP leader L.K. Advani admitted to hospital.
