കൊളംബിയയിൽ സൈനിക വിമാനം തകർന്ന് നിരവധി മരണം; അപകടം ടേക്ക് ഓഫിനിടെ

കൊളംബിയ: കൊളംബിയിലുണ്ടായ വിമാനാപകടത്തിൽ 90 പേർ മരിച്ചതായി റിപ്പോർട്ട്. വിമാനത്തിൽ 110 പേർ ഉണ്ടായിരുന്നതായാണ് റിപ്പോർട്ട്. 20 സെെനികരെ ജീവനോടെ രക്ഷിച്ചതായും റിപ്പോർട്ടുണ്ട്. പൂര്‍ണമായും സെെനികരായിരുന്നു വിമാനത്തിലുണ്ടായിരുന്നത്. രക്ഷാ പ്രവർത്തനം തുടരുകയാണ്. ജനവാസ മേഖല അല്ലാത്തതിനാൽ കൂടുതൽ ദുരന്തങ്ങൾ ഒഴിവാവുകയായിരുന്നു.

വിമാനം തകർന്ന് വീണതിന് തൊട്ടുപിന്നാലെ പ്രദേശത്താകെ കറുത്ത പുക ഉയർന്നു. പ്രദേശവാസികൾ ചേർന്ന് രക്ഷപ്പെട്ട സൈനികരെ ആശുപത്രിയിലെത്തിക്കുന്ന ദൃശ്യങ്ങൾ പുറത്തുവന്നിട്ടുണ്ട്. കഴിഞ്ഞ മാസം ബൊളീവിയൻ വ്യോമസേനയുടെ മറ്റൊരു ഹെർക്കുലീസ് സി-130 വിമാനം ജനസാന്ദ്രതയുള്ള നഗരത്തിൽ തകർന്നു വീണിരുന്നു. തലനാരിഴയ്ക്കാണ് അന്ന് ദുരന്തം ഒഴിവായത്.
SUMMARY: Several dead as military plane crashes in Colombia; accident during takeoff