ബെംഗളൂരു: ഉത്തര കന്നഡ ജില്ലയിലെ അങ്കോള ഷിരൂരിൽ മണ്ണിടിച്ചൽ ദുരന്തമുണ്ടായ പ്രദേശം കർണാടക മുഖ്യമന്ത്രി സിദ്ധരാമയ്യയും റവന്യൂ മന്ത്രി കൃഷ്ണ ബൈരഗൗഡയും സന്ദര്ശിച്ചു. മരിച്ചവരുടെ കുടുംബത്തിന് 5 ലക്ഷം രൂപ വീതം ധനസഹായം അനുവദിക്കുമെന്ന് സിദ്ധരാമയ്യ പറഞ്ഞു. അപകടസ്ഥലം സന്ദർശിച്ച ശേഷം മാധ്യമ പ്രവർത്തകരോട് സംസാരിക്കവേയാണ് അദ്ദേഹം ഇക്കാര്യം അറിയിച്ചത്. രക്ഷാപ്രവർത്തനത്തിൽ യാതൊരുവിധ അലംഭാവം സംഭവിച്ചിട്ടില്ലെന്നും അദ്ദേഹം പറഞ്ഞു. അപകടം സംഭവിച്ചത് മുതൽ ഉത്തര കന്നഡ ജില്ലാ ഭരണകൂടവും പോലീസും എൻഡിആർഎഫ് സംഘവും കാര്യക്ഷമമായി തന്നെ രക്ഷാപ്രവർത്തനത്തിൽ ഇടപ്പെട്ടിട്ടുണ്ടെന്നും അദ്ദേഹം പറഞ്ഞു. അപകടത്തിൽ 10 പേരാണ് മരിച്ചതെന്നും പ്രദേശവാസികളായ 2 പേർ ഉൾപ്പെടെ ഇനി 3 പേരെ കണ്ടെത്താനുണ്ടെന്നും അദ്ദേഹം പറഞ്ഞു.
അർജുനായുള്ള തെരച്ചിലിൽ വീഴ്ചയില്ലെന്നും കേരള സർക്കാർ ബന്ധപ്പെട്ടിരുന്നെന്നും സിദ്ധരാമയ്യ വ്യക്തമാക്കി. അപകടത്തിൽ ദേശീയപാത അതോറിറ്റിയെ കർണാടക മുഖ്യമന്ത്രി കുറ്റപ്പെടുത്തി. കരാറുകാർക്കെതിരെ നടപടി വേണമെന്നും പണി പൂർത്തിയാകാതെ ടോൾപിരിവ് തുടങ്ങിയെന്നും മുഖ്യമന്ത്രി ചൂണ്ടിക്കാണിച്ചു.
അര്ജുനടക്കമുള്ളവര്ക്ക് വേണ്ടിയുള്ള തിരച്ചിൽ നദിയിലേക്ക് മാറ്റുമെന്ന് കർണാടക റവന്യു മന്ത്രി കൃഷ്ണ ബൈരഗൗഡ പറഞ്ഞു. നദിയിലുള്ള മണ്കൂനകളിൽ പരിശോധന നടത്തും. റോഡില് വീണ മണ്ണ് 90 ശതമാനത്തിലേറെ നീക്കംചെയ്തു. റോഡിന് മുകളിലായി ലോറിയോ മനുഷ്യനെയോ കണ്ടെത്താന് സാധിച്ചിട്ടില്ലെന്നും അദ്ദേഹം കൂട്ടിച്ചേർത്തു. അപകടമുണ്ടായപ്പോൾ മുതൽ രക്ഷാപ്രവർത്തനം നടത്തുന്നതായി മന്ത്രി വ്യക്തമാക്കി. കൂടുതൽ മണ്ണിടിച്ചിലിന് സാധ്യതയെന്നും അപകടസാധ്യത ഉണ്ടായിട്ടും ഓപ്പറേഷൻ തുടരുന്നുവെന്നും മന്ത്രി കൃഷ്ണ ബൈരഗൗഡ പറഞ്ഞു.
വൻ മണ്ണിടിച്ചിലാണ് ഉണ്ടായത്. ട്രക്കിന്റെ സാന്നിധ്യം ഇതുവരെ കണ്ടെത്താനായില്ല. പുഴയിലും തിരച്ചിലും നടത്തുന്നു. പുഴയിലും മണ്ണിടിച്ചിൽ മൂലം വലിയ മൺകൂനകൾ രൂപപ്പെട്ടുവെന്നും മന്ത്രി ചൂണ്ടിക്കാണിച്ചു. പുഴയിലെ മൺകൂനകളിലും പരിശോധന നടത്താൻ എൻഡിആർഎഫ് സംഘത്തോട് അഭ്യർത്ഥിച്ചു. നാവിക സേനയും തെരച്ചിൽ നടത്തുന്നു. ആര് അപകടത്തിൽപ്പെട്ടാലും നമ്മുടെ ജനങ്ങൾ ആണ്. എല്ലാവരുടെ ജീവനും വിലയുണ്ട്. ജില്ലാ ഭരണകൂടം സാധ്യമായതെല്ലാം ചെയ്തുവെന്നും മന്ത്രി വ്യക്തമാക്കി.
<BR>
TAGS : SHIROOR LANDSLIDE | KARNATAKA,
SUMMARY : Shirur landslide accident; 5 lakh financial assistance to the deceased
ചെന്നൈ: തമിഴ്നാട്ടിലെ വിരുദുനഗറിനടുത്തുള്ള പടക്ക നിര്മ്മാണ ശാലയിലുണ്ടായ സ്ഫോടനത്തില് കൊല്ലപ്പെട്ടവരുടെ എണ്ണം 23 ആയി. സ്ഫോടനമുണ്ടായ വനജ ഫയര് വര്ക്സില്…
കൊല്ക്കത്ത: ഐപിഎല് സീസണിലെ ആദ്യ ജയം സ്വന്തമാക്കി മുന് ചാമ്പ്യന്മാരായ കൊല്ക്കത്ത നൈറ്റ് റൈഡേഴ്സ്. രാജസ്ഥാനെതിരെയുള്ള 156 റണ്സ് വിജയലക്ഷ്യം…
ഇടുക്കി: ജീപ്പ് കൊക്കയിലേക്ക് മറിഞ്ഞ് രണ്ടുപേർ മരിച്ചു, മൂന്നുപേരുടെ നില അതീവ ഗുരുതരം. ഇടുക്കി നാരകക്കാനത്താണ് ജീപ്പ് കൊക്കയിലേക്ക് മറിഞ്ഞത്.…
കൊച്ചി: കേരളത്തില് പലയിടങ്ങളിലായി ശക്തമായ വേനൽമഴയും കാറ്റും.ശക്തമായ മഴയെ തുടർന്ന് വിവിധ പാതകളിൽ ഗതാഗത തടസ്സം അനുഭവപ്പെട്ടു. എറണാകുളം ജില്ലയിൽ ഞായർ…
വാഷിംഗ്ടൺ: ഇറാനെതിരെ വീണ്ടും ഭീഷണിയുമായി യു.എസ് പ്രസിഡന്റ് ഡൊണാൾഡ് ട്രംപ്. ഇറാനുമായി സമാധാന ചർച്ചകൾക്കായി യു,എസ് പ്രതിനിധികൾ ഇസ്ലാമാബാദിലേക്ക് പോകുന്നുവെന്നും…
കൊച്ചി: വോട്ടിനായി മഷിപുരട്ടിയ വിരലിലെ തൊലി ആരോഗ്യ പ്രശ്നങ്ങൾ ഉണ്ടാക്കിയതായി പരാതി. എറണാകുളം പള്ളുരുത്തി പി ഡി റോഡിലെ തട്ടാപറമ്പിൽ ടി…