ബെംഗളൂരു: സംസ്ഥാനത്തെ എല്ലാ അണക്കെട്ടുകളുടെയും സ്ഥിതിഗതികൾ വിലയിരുത്താൻ വിദഗ്ധ സമിതി രൂപീകരിക്കുമെന്ന് ഉപമുഖ്യമന്ത്രി ഡി. കെ. ശിവകുമാർ പറഞ്ഞു. തുംഗഭദ്ര അണക്കെട്ടിലെ ഗേറ്റ് തകർന്നതിന്റെ പശ്ചാത്തലത്തിലാണ് നടപടി.
എല്ലാ ഡാമുകളുടെയും സുരക്ഷയ്ക്കായി പ്രത്യേക കമ്മിറ്റി രൂപീകരിച്ച് വിവിധ ജില്ലകളിലേക്ക് അയക്കും. പരിശോധന നടത്തിയ ശേഷം സമിതി അംഗങ്ങൾ സർക്കാരിന് റിപ്പോർട്ട് സമർപ്പിക്കും. അടുത്ത രണ്ട് ദിവസത്തിനുള്ളിൽ വിദഗ്ധ സമിതി രൂപീകരിക്കുമെന്ന് ശിവകുമാർ പറഞ്ഞു.
അതേസമയം തുംഗഭദ്ര അണക്കെട്ടിൻ്റെ ഘടനയ്ക്ക് കേടുപാടുകൾ സംഭവിക്കാൻ സാധ്യതയുള്ളതിനാൽ എല്ലാ ഗേറ്റുകളും തുറന്ന് 38,000 ക്യുസെക്സ് വെള്ളം അയൽ സംസ്ഥാനങ്ങളായ ആന്ധ്രാപ്രദേശിലേക്കും തെലങ്കാനയിലേക്കും മറ്റ് പരിസര പ്രദേശങ്ങളിലേക്കും തുറന്നുവിടുന്നുണ്ടെന്നും, ഇൻഫ്ലോ നിലനിൽക്കുമെന്നും അണക്കെട്ട് സന്ദർശിച്ച ശേഷം ശിവകുമാർ പറഞ്ഞു.
TAGS: KARNATAKA | DK SHIVAKUMAR
SUMMARY: Karnataka govt. to form expert panel to assess condition of all dams in State
