ബെംഗളൂരു: ചാമരാജനഗർ ബി.ആർ.ടി ടൈഗർ റിസർവ് പരിധിയിൽ കൊല്ലെഗൽ വന്യജീവി സങ്കേതത്തിലെ ഗുണ്ടൽ റിസർവോയറിൽ കടുവയെ ചത്ത നിലയില്‍ കണ്ടെത്തി. ഞായറാഴ്ച രാവിലെ പട്രോളിങ്ങിനിടെ വനംവകുപ്പ് ഉദ്യോഗസ്ഥരാണ് ഏകദേശം അഞ്ച് മുതൽ ആറ് വരെ വർഷം പ്രായമുള്ള ആൺ കടുവയുടെ ജഡം കണ്ടത്.
കെണിയിൽ കുടുങ്ങിയ കടുവ വെള്ളം കുടിക്കാനായി റിസർവോയറിലേക്ക് പോകുന്നതിനിടെ ചത്തതായിരിക്കാമെന്ന് ഫോറസ്റ്റ് ഡെപ്യൂട്ടി കൺസർവേറ്റർ ശ്രീപതി പറഞ്ഞു. പോസ്റ്റ്‌മോർട്ടം നടത്തി സംസ്‌കരിച്ചു. വനംവകുപ്പ് അന്വേഷണം ആരംഭിച്ചു.
SUMMARY: The tiger was found dead
