ബെംഗളൂരു: ശിവമോഗയില് പാലത്തിൽ നിന്ന് നിയന്ത്രണം വിട്ട ബസ് മറിഞ്ഞ് മുപ്പത്തിയാറ് പേർക്ക് പരുക്ക്. തിങ്കളാഴ്ച ഉച്ചയ്ക്ക് 1.30 ഓടെ ഭദ്രാവതി താലൂക്കിലെ വീരപുര ഗ്രാമത്തിലെ കഗെഹല്ലയ്ക്ക് സമീപമാണ് അപകടമുണ്ടായത്. ദാവൻഗരെ ചന്നഗിരിയിൽ നിന്ന് ഭദ്രാവതിയിലേക്ക് പോകുകയായിരുന്ന ബസ്, അരുവിക്ക് കുറുകെയുള്ള പാലത്തില് എത്തിയപ്പോള് ഡ്രൈവർക്ക് വാഹനത്തിന്റെ നിയന്ത്രണം നഷ്ടപ്പെടുകയായിരുന്നുവെന്ന് പോലീസ് പറഞ്ഞു.
പാലത്തിന്റെ കൈവരിയില് ഇടിച്ച ബസ് താഴെ അരുവിയിലേക്ക് മറിഞ്ഞു, ജലനിരപ്പ് താഴ്ന്ന നിലയിലായിരുന്നതിനാല് വന് ദുരന്തം ഒഴിവായി
അപകടത്തിൽ ഡ്രൈവറും കണ്ടക്ടറും ഉൾപ്പെടെ 36 പേർക്ക് പരുക്കേറ്റതായും ഇവരിൽ 25 പേരെ ചികിത്സയ്ക്കായി അടുത്തുള്ള ആശുപത്രിയിലേക്ക് മാറ്റിയതായും ഭദ്രാവതി റൂറൽ പോലീസ് പറഞ്ഞു.
SUMMARY: Thirty-six injured as private bus loses control and falls off bridge in Shivamogga
