അമ്മയുടെ മെറ്റേണിറ്റി ഫോട്ടോഷൂട്ടിനിടെ മൂന്ന് വയസുകാരൻ കുളത്തില്‍ വീണ് മരിച്ചു

ബെംഗളൂരു: അമ്മയുടെ മെറ്റേണിറ്റി ഫോട്ടോ ഷൂട്ടിനിടെ മൂന്നു വയസുകാരൻ കുളത്തില്‍ വീണു മരിച്ചു. ചരണ്‍- സ്വാതി ദമ്പതികളുടെ മകനായ ലക്ഷ്മീർ ആണ് മരിച്ചത്. അമ്മ സ്വാതി എട്ട് മാസം ഗർഭിണിയാണ്. മാഗഡി റോഡിലുള്ള സ്റ്റുഡിയോയിലായിരുന്നു ഫോട്ടോ ഷൂട്ട് നടന്നിരുന്നത്. സമീപത്ത് കളിച്ചുകൊണ്ടിരുന്ന കുട്ടി താത്കാലികമായി നിർമിച്ച കുളത്തില്‍ വീഴുകയായിരുന്നു.

ഷൂട്ടിനിടെ ഇത് ആരുടെയും ശ്രദ്ധയില്‍പ്പെട്ടില്ല. പിന്നീട് നടത്തിയ തിരച്ചിലിലാണ് കുട്ടിയുടെ മൃതദേഹം കണ്ടെത്തിയത്. കുട്ടിയുടെ പിതാവ് ജോലിയുടെ ഭാഗമായി യുഎസിലാണ്. സുഹൃത്തിനൊപ്പമാണ് സ്വാതി സ്റ്റുഡിയോയിലെത്തിയത്. കുട്ടി കാല്‍വഴുതി കുളത്തില്‍ വീണതാണെന്നാണ് പ്രാഥമിക നിഗമനം. മൂന്ന് കൃത്രിമ കുളങ്ങളാണ് സ്റ്റുഡിയോയിലുള്ളത്. പോലീസ് കേസെടുത്ത് അന്വേഷണം ആരംഭിച്ചു.

SUMMARY: Three-year-old boy dies after falling into pool during mother’s maternity photoshoot