കൊച്ചി: തൃപ്പൂണിത്തുറയിലെ എൻ.ഡി.എ സ്ഥാനാർഥി അഞ്ജലി നായരുടെ പേര് മാറ്റണമെന്ന ആവശ്യം തള്ളി വരണാധികാരി. ബാലറ്റിലെ അഞ്ജലി പി വി എന്ന പേര് അഞ്ജലി നായർ എന്നാക്കി മാറ്റണമെന്ന് ആവശ്യപ്പെട്ട് സ്ഥാനാർഥി ഹൈക്കോടതിയെ സമീപിച്ചിരുന്നു, ഹൈക്കോടതി അനുകൂലമായ ഉത്തരവ് പുറപ്പെടുവിക്കുകയും ചെയ്തിരുന്നു.
കോടതി ഉത്തരവിന്റെ അടിസ്ഥാനത്തില്‍ വരണാധികാരി ഹിയറിംഗ് നടത്തിയെങ്കിലും, സാങ്കേതിക കാരണങ്ങളാല്‍ പേര് പുതുക്കണമെന്ന ആവശ്യം അംഗീകരിക്കാനാവില്ലെന്ന് വ്യക്തമാക്കുകയായിരുന്നു. തിരഞ്ഞെടുപ്പ് പ്രചാരണത്തില്‍ ‘അഞ്ജലി നായർ’ എന്ന പേരിലാണ് താൻ അറിയപ്പെടുന്നതെന്നും ബാലറ്റില്‍ പേര് മാറുമ്പോള്‍ വോട്ടർമാർക്കിടയില്‍ ആശയക്കുഴപ്പം ഉണ്ടാകാൻ സാധ്യതയുണ്ടെന്നുമാണ് സ്ഥാനാർത്ഥി വാദിച്ചത്.
എന്നാല്‍ നാമനിർദ്ദേശ പത്രികയിലെയും ഔദ്യോഗിക രേഖകളിലെയും വിവരങ്ങള്‍ അടിസ്ഥാനമാക്കി വരണാധികാരി ഈ ആവശ്യം തള്ളുകയായിരുന്നു. മണ്ഡലത്തില്‍ പ്രചാരണം ശക്തമായി മുന്നേറുന്നതിനിടെയുണ്ടായ ഈ തീരുമാനം എൻ.ഡി.എ. ക്യാമ്പുകളില്‍ ചെറിയ നിരാശ പടർത്തിയിട്ടുണ്ടെങ്കിലും, അഞ്ജലി പി.വി. എന്ന പേരില്‍ തന്നെ വോട്ടർമാരെ സമീപിക്കാനാണ് മുന്നണിയുടെ തീരുമാനം.
SUMMARY: Name will not be changed in the voting machine; Tripunithura NDA candidate Anjali Nair’s application rejected
