ട്രക്ക് ഹോട്ടലിലേക്ക് ഇടിച്ചുകയറി രണ്ട് മരണം

ബെംഗളൂരു: ട്രക്ക് ഹോട്ടലിലേക്ക് ഇടിച്ചുകയറിയുണ്ടായ അപകടത്തിൽ രണ്ട് പേർ മരിച്ചു. ചിക്കബല്ലാപുര ചിന്താമണിയിലാണ് സംഭവം. ചിന്താമണി താലൂക്കിലെ മടികെരെ ഗ്രാമവാസിയായ ശിവാനന്ദ, കോലാർ വെലഗലബുരെയിലുള്ള ശാന്തകുമാർ എന്നിവരാണ് കൊല്ലപ്പെട്ടത്. മരിച്ച രണ്ടുപേരും ഹോട്ടലിലെ ജീവനക്കാരാണ്.

അപകടത്തിൽ പരുക്കേറ്റ മുരളി, ശ്രീനിവാസ ബാബു എന്നിവരെ ചികിത്സയ്ക്കായി ചിന്താമണി ജനറൽ ആശുപത്രിയിൽ പ്രവേശിപ്പിച്ചു. ടിപ്പർ ട്രക്ക് നിയന്ത്രണം വിട്ട് ഹോട്ടലിലേക്ക് ഇടിച്ചുകയറുകയായിരുന്നു. അപകടത്തിന് ശേഷം ടിപ്പർ ട്രക്ക് ഡ്രൈവർ സംഭവസ്ഥലത്ത് നിന്ന് ഓടി രക്ഷപ്പെട്ടു. ചിന്താമണി ടൗൺ പോലീസ് സംഭവത്തിൽ കേസെടുത്തു.

TAGS: KARNATAKA | ACCIDENT
SUMMARY: Two killed after truck crashes into roadside hotel