തൃശൂര്: തൃശ്ശൂരിൽ ഷവര്മ കഴിച്ചതിനെത്തുടര്ന്ന് ദേഹാസ്വാസ്ഥ്യം അനുഭവപ്പെട്ട രണ്ടുപേരെ ആശുപത്രിയില് പ്രവേശിപ്പിച്ചു. തിരുവില്വാമല പാമ്പാടി ഗുരുതിയാന് പറമ്പില് ഷംസീര്, ഭാര്യ ഷഹാന എന്നിവരാണ് ഛര്ദിയെത്തുടര്ന്ന് ചികിത്സ തേടിയത്. തിരുവില്വാമല പിക് ആന്ഡ് മികസ് കഫെ ആന്ഡ് റസ്റ്റോറന്റില്നിന്നാണ് ഇവര് ഷവര്മ കഴിച്ചത്. വിവരമറിഞ്ഞെത്തിയ നാട്ടുകാര് റസ്റ്റോറന്റില് ബഹളമുണ്ടാക്കി. തുടര്ന്ന് ഭക്ഷ്യ സുരക്ഷാ വകുപ്പും ആരോഗ്യ വകുപ്പും പരിശോധന നടത്തി. പരിശോധനയില് സ്ഥാപനത്തില് ക്രമക്കേടുകള് കണ്ടെത്തി.
സ്ഥാപത്തിന് ജല പരിശോധനയുടെ റിപ്പോര്ട്ട് ഉണ്ടായിരുന്നില്ല. അടുക്കളയുടെ ഭാഗത്ത് എലികളെയും പാറ്റകളെയും കണ്ടെത്തുകയും ചെയ്തു. തീയതി കഴിഞ്ഞ പാല് പാക്കറ്റ് കണ്ടെത്തുകയും ചെയ്തിട്ടുണ്ട്. പൊതുജനങ്ങള്ക്ക് ആരോഗ്യ സുരക്ഷാ ഭീഷണിയുള്ളതിനാല് സ്ഥാപനത്തിന്റെ പ്രവര്ത്തനം നിര്ത്തിവെപ്പിക്കുന്നതിനും പിഴ ഈടാക്കുന്നതിനും അധികൃതർ നോട്ടീസ് നല്കി.
ഷവര്മയുടെയും മയോണൈസിന്റെയും സാമ്പിളുകള് ശേഖരിച്ച് കാക്കനാട് ലാബിലേക്കു പരിശോധനയ്ക്ക് അയച്ചു. ഭക്ഷ്യ സുരക്ഷാ വകുപ്പിന്റെ അനുമതിയില്ലാതെ സ്ഥാപനം തുറന്നു പ്രവര്ത്തിക്കാന് പാടില്ലെന്ന കര്ശന നിര്ദേശം നല്കിയിട്ടുണ്ട്. ഈ സ്ഥാപനം നേരത്തെയും മൂന്നുതവണ അടച്ചിട്ടിട്ടുണ്ടെന്ന് അധികൃതർ പറയുന്നു.
ചേലക്കര ഫുഡ് സേഫ്റ്റി ഓഫീസര് പി.വി. ആസാദ്, മണലൂര് ഫുഡ് സേഫ്റ്റി ഓഫീസര് പി. അരുണ്, ഹെല്ത്ത് ഇന്സ്പെക്ടര് പി. രാജിമോള്, ജെ.എച്ച്.ഐ. പി.എസ്. ജിന്ഷ എന്നിവരാണ് പരിശോധനകള്ക്ക് നേതൃത്വം നല്കിയത്.
<BR>
TAGS : FOOD POISON | THRISSUR
SUMMARY : Two people fell ill after eating shawarma; Hotel closed due to irregularities in inspection
കണ്ണൂർ: കെഎസ്യു കണ്ണൂർ ജില്ലാ പ്രസിഡന്റ് എം സി അതുലിനെതിരെ കേസ്. ലൈംഗിക ഉദ്ദേശത്തോടെ ശരീരത്തില് സ്പർശിച്ചെന്ന യുവതിയുടെ പരാതിയിലാണ്…
തിരുവനന്തപുരം: ട്രിവാന്ഡ്രം ക്ലബിന് മുന്നില് നടന് മണിയന്പിള്ള രാജുവിന്റെ കാര് അപകടത്തില്പ്പെടുമ്പോള് നടന് മദ്യപിച്ചിരുന്നില്ലെന്ന് പരിശോധന ഫലം. കമിക്കല് ലാബില്…
തിരുവനന്തപുരം: സംസ്ഥാനത്ത് മിൽമ പാലിന്റെ വില ഉടൻ വർധിപ്പിച്ചേക്കുമെന്ന് റിപ്പോര്ട്ടുകള്. പാലിന്റെ വില വർധിപ്പിക്കണമെന്ന് സർക്കാരിനോട് വീണ്ടും ആവശ്യപ്പെടുമെന്ന് മിൽമ…
ബെംഗളൂരു: ബെംഗളൂരുവിൽ ബെസ്കോം വൈദ്യുതിനിരക്ക് വർധിപ്പിച്ചു. മേയ് ഒന്നു മുതൽ യൂണിറ്റിന് 56 പൈസ കൂടും. കഴിഞ്ഞവർഷം ബെസ്കോമിനുണ്ടായ 2,068…
ബെംഗളൂരു: ചിക്കമഗളൂരു കലാസയിലെ മരസാനിഗെയില് കാട്ടുപോത്തിന്റെ ആക്രമണത്തിൽ തോട്ടം തൊഴിലാളി മരിച്ചു. ഹൊരനാട് സ്വദേശി ചേതനാണ് (30) മരിച്ചത്. കലസയിലെ…
ബെംഗളൂരു: നായർ സേവാ സംഘ് കർണാടക ആർടി നഗർ കരയോഗം സംഘടിപ്പിക്കുന്ന വിഷു വർണങ്ങൾ വസന്തനഗർ അംബേദ്കർ ഭവനിൽ ഇന്നു…