തമിഴ്‌നാട്ടില്‍ ട്രെയിനുകള്‍ കൂട്ടിയിച്ച് അപകടം; കോച്ചുകൾക്ക് തീപ്പിടിച്ചു

ചെന്നൈ: തമിഴ്നാട്ടിൽ രണ്ട് ട്രെയിനുകൾ കൂട്ടിയിടിച്ച് അപകടം. മൈസൂരു – ദർഭംഗ എക്സ്പ്രസും (12578) ഗുഡ്സ് ട്രെയിനുമാണ് കൂട്ടിയിടിച്ചത്. തമിഴ്നാട് തിരുവള്ളൂരിന് സമീപം കാവേരിപേട്ടയിലാണ് അപകടം.

ചരക്ക് തീവണ്ടിയുടെ പിൻവശത്ത് ദർഭംഗ എക്സ്പ്രസ് വന്ന് ഇടിക്കുകയായിരുന്നുവെന്നാണ് ലഭ്യമാകുന്ന വിവരം. ഇടിയുടെ ആഘാതത്തിൽ രണ്ട് കോച്ചുകൾക്ക് തീപിടിച്ചു. പാസഞ്ചർ ട്രെയിൻ കവരപേട്ടയ്ക്ക് സമീപം എത്തിയപ്പോൾ അവിടെ നിർത്തിയിട്ടിരുന്ന ഗുഡ്‌സ് ട്രെയിനുമായി കൂട്ടിയിടിക്കുകയായിരുന്നു.

രാത്രിയായതിനാൽ എന്താണ് സംഭവിച്ചതെന്ന് യാത്രക്കാർക്ക് കാണാൻ സാധിച്ചിട്ടില്ല. അപകടവിവരം അറിഞ്ഞയുടൻ നാട്ടുകാരും പോലീസും സ്ഥലത്തെത്തി രക്ഷാപ്രവർത്തനം ആരംഭിച്ചിട്ടുണ്ട്. ആളപായം സംഭവിച്ചതായി നിലവിൽ സൂചനയില്ല.

An Mysuru-Darbhanga Express train collided with a #goods train in Tiruvallur, Tamil Nadu, leading to a fire in two coaches of the passenger train. #Trainaccident #chennai #train pic.twitter.com/15abfDEMCN

— Madhuri Adnal (@madhuriadnal) October 11, 2024

TAGS: NATIONAL | TRAIN ACCIDENT
SUMMARY: Two trains collide each other in Tamilnadu