ന്യൂഡല്ഹി: നാഷണല് ടെസ്റ്റിങ് ഏജന്സി (എന്.ടി.എ.) ജൂണ് 18-ാം തീയതി നടത്തിയ യു.ജി.സി. നെറ്റ് പരീക്ഷ റദ്ദാക്കി. പരീക്ഷയുടെ സമഗ്രത നഷ്ടപ്പെട്ടതു സംബന്ധിച്ച വിവരങ്ങള് ലഭിച്ചിട്ടുണ്ടെന്നും എന് ടി എ ഔദ്യോഗിക വെബ്സൈറ്റില് അറിയിച്ചു. വിഷയത്തില് സമഗ്രമായ അന്വേഷണത്തിനായി വിഷയം സി ബി ഐക്ക് കൈമാറും. നീറ്റ് 2024 പരീക്ഷയില് ക്രമക്കേടുകള് പുറത്തു വരുന്നതിനു പിന്നാലെ നെറ്റ് പരീക്ഷയിലും സമാനമായ സംഭവം ഉണ്ടായത് രാജ്യത്തെ ഞെട്ടിച്ചിരിക്കുകയാണ്.
രാജ്യത്തെ 317 നഗരങ്ങളിലായി 1,205 പരീക്ഷാ കേന്ദ്രങ്ങളിലാണ് യു ജി സി-നെറ്റ് പരീക്ഷ നടത്തിയത്. രണ്ട് ഷിഫ്റ്റുകളിലായാണ് പരീക്ഷ നടത്തിയത്. 11 ലക്ഷത്തിലധികം ഉദ്യോഗാര്ഥികള് പരീക്ഷയെഴുതിയിരുന്നു.
ആഭ്യന്തര മന്ത്രാലയത്തിന് കീഴിലുള്ള ഇന്ത്യന് സൈബര് ക്രൈം കോഓഡിനേഷന് സെന്ററില് നിന്നുള്ള ഇന്പുട്ടുകളുടെ അടിസ്ഥാനത്തില് പരീക്ഷ റദ്ദാക്കാന് കേന്ദ്ര വിദ്യാഭ്യാസ മന്ത്രാലയം നിര്ദേശം നല്കുകയായിരുന്നു. പരീക്ഷാ പ്രക്രിയയില് ഏറ്റവും ഉയര്ന്ന തലത്തില് സുതാര്യതയും പവിത്രതയും നഷ്ടപ്പെട്ട സാഹചര്യത്തിലാണ് പരീക്ഷ റദ്ദാക്കാന് തീരുമാനിച്ചതെന്നു വിദ്യാഭ്യാസ മന്ത്രാലയം വ്യക്തമാക്കി. പുതിയ പരീക്ഷ പിന്നീട് നടത്തും. ഇതിന്റെ വിവരങ്ങള് പിന്നീട് അറിയിക്കുമെന്നും എന് ടി എ പ്രസ്താവനയില് പറഞ്ഞു.
ഇന്ത്യന് സര്വ്വകലാശാലകളിലും കോളജുകളിലും അസിസ്റ്റന്റ് പ്രഫസര് കൂടാതെ, ജൂനിയര് റിസര്ച്ച് ഫെലോഷിപ്പ് (ജെ ആര് എഫ്) തസ്തികയിലേക്കുള്ള യോഗ്യത നിര്ണ്ണയിക്കുന്നതിനാണ് യു ജി സി-നെറ്റ് പരീക്ഷ നടത്തുന്നത്.
<br>
TAGS : UGC NET
SUMMARY : UGC NET exam canceled; Recommending CBI inquiry into irregularities
കൊല്ലം: തെരുവുനായയുടെ ആക്രമണത്തില് വയോധികർ ഉള്പ്പടെ ഏഴ് പേർക്ക് കടിയേറ്റു. അഞ്ചല് ചന്തമുക്ക് ഭാഗത്താണ് സംഭവം. പ്രദേശത്ത് തെരുവുനായ ശല്യം…
കൊച്ചി: സൂപ്പർഹിറ്റ് ചിത്രങ്ങളുടെ സംവിധായകൻ എസ്.എസ്. രാജമൗലിയുടെ പുതിയ ചിത്രത്തില് മലയാളത്തിന്റെ പ്രിയതാരം പൃഥ്വിരാജ് സുകുമാരൻ വില്ലൻ വേഷത്തില് എത്തുന്നു.…
കൊച്ചി: ഐടി ജീവനക്കാരനെ തട്ടിക്കൊണ്ടുപോയി മർദ്ദിച്ച കേസില് നടി ലക്ഷ്മി മേനോനെതിരായ കേസ് ഹൈക്കോടതി റദ്ദാക്കി. നടിക്കെതിരെ പരാതിയില്ലെന്ന് യുവാവ്…
തിരുവനന്തപുരം: കേരള സർവകലാശാലയില് ജാതി വിവേചനമെന്ന് കാണിച്ച് പോലീസില് പരാതി. ഗവേഷക വിദ്യാർഥി വിപിൻ വിജയനാണ് ഡീൻ ഡോ.സി.എൻ വിജയകുമാരിക്കെതിരെ…
തിരുവനന്തപുരം: നാലു ചലച്ചിത്ര പുരസ്കാര നേട്ടങ്ങളുടെ നിറവില് നില്ക്കുന്ന മമ്മൂട്ടി ചിത്രം 'ഭ്രമയുഗം' രാജ്യാന്തരവേദിയിലേക്കും. ലോസ് ആഞ്ചിലിസിലെ ഓസ്കര് അക്കാദമി…
ഡൽഹി: രാജ്യത്തെ തെരുവുനായ പ്രശ്നം രൂക്ഷമായ സാഹചര്യത്തില് സുപ്രീം കോടതി സുപ്രധാനമായ ഇടക്കാല ഉത്തരവ് പുറപ്പെടുവിച്ചു. ദേശീയപാതയടക്കമുള്ള റോഡുകളില് നിന്നും…