ഏകദിന ക്രിക്കറ്റ്; ദക്ഷിണാഫ്രിക്കയെ തകർത്ത് ഇന്ത്യൻ വനിതാ ടീം

ഏകദിന ക്രിക്കറ്റ് പരമ്പരയിൽ ദക്ഷിണാഫ്രിക്കയെ നാലു റൺസിന് വീഴ്‌ത്തി ഇന്ത്യൻ വനിതകളുടെ തിരിച്ചുവരവ്. സ്കോർ ഇന്ത്യ -325/3, ദക്ഷിണാഫ്രിക്ക -321/6. പൂജ വസ്ത്രാക്കറാണ് അവസാന ഓവറിൽ ഇന്ത്യക്ക് ആവേശം ജയം സമ്മാനിച്ചത്. 11 റൺസ് പ്രതിരോധിക്കാൻ പന്തുമായെത്തിയ പൂജ രണ്ടു വിക്കറ്റുകളടക്കം പിഴുത് അവസാന ഓവറിൽ വിട്ടുനൽകിയത് ആറു റൺസ് മാത്രം.

ജയത്തോടെ മൂന്ന് മത്സരങ്ങളുടെ പരമ്പരയിൽ 2-0 ന് മുന്നിലെത്താനും ഇന്ത്യക്കായി.ടോസ് നേടിയ ദക്ഷിണാഫ്രിക്ക ഇന്ത്യയെ ബാറ്റിം​ഗിന് വിടുകയായിരുന്നു. സ്മൃതി മന്ദാനയുടെയും ഹർമൻ പ്രീതിന്റെയും സെഞ്ച്വറികളാണ് ഇന്ത്യക്ക് വമ്പൻ സ്കോർ സമ്മാനിച്ചത്. സ്മൃതി 120 പന്തിൽ 136 റൺസെടുത്തപ്പോൾ ഹർമൻ 88 പന്തിൽ 103 റൺസുമായി പുറകത്താകാതെ നിന്നു.

മറുപടി ബാറ്റിം​ഗിൽ ​ദക്ഷിണാഫ്രിക്ക ശക്തമായ പോരാട്ടമാണ് നടത്തിയത്. ആദ്യ വിക്കറ്റിൽ ഷഫാലി വർമ്മയ്‌ക്കൊപ്പം (20) 38 റൺസിന്റെ പാർടണർഷിപ്പുണ്ടാക്കിയ മന്ദാന രണ്ടാം വിക്കറ്റിൽ ഹേമലതയ്‌ക്കാപ്പം 62 റൺസ് കൂട്ടുക്കെട്ടുണ്ടാക്കാനും സാധിച്ചു. ക്യപ്റ്റൻ ഹർമനൊപ്പം 171 റൺസ് ചേർക്കാനും മന്ദാനയ്‌ക്ക് സാധിച്ചു.

മറുപടി ബാറ്റിം​ഗിൽ ദക്ഷിണാഫ്രിക്ക ക്യാപ്റ്റൻ ലോറ വോൾവാർഡ് പുറത്താകാതെ 135 റൺസ് നേടി ഇന്ത്യക്ക് ഭീഷണി ഉയർത്തി. മാരിസാന്നെ കാപ്പും (114) സെഞ്ച്വറിയടിച്ചതോടെ ഇന്ത്യ വിയർത്തു. 180 റൺസിന്റെ ഈ കൂട്ടുക്കെട്ട് പാെളിച്ച് ദീപ്തി ശർമ്മയാണ് ഇന്ത്യയെ മത്സരത്തിലേക്ക് തിരികെ കാെണ്ടുവന്നത്. പൂജ വസ്ത്രാക്കറും ദീപ്തി ശർമ്മയും രണ്ടുവീതം വിക്കറ്റ് നേടി. അരുന്ധതി റെഡ്ഡി, സ്മൃതി മന്ദാന എന്നിവർ ഓരോ വിക്കറ്റ് വീതം വീഴ്ത്തി ഇന്ത്യയെ വിജയത്തിലേക്ക് നയിച്ചു.

TAGS: SPORTS| CRICKET
SUMMARY: Indian women team beats south africa odi