വിജയനഗർ മേരിമാതാ ഇടവക; രജത ജൂബിലി ആഘോഷങ്ങൾ സമാപിച്ചു

ബെംഗളൂരു: വിജയനഗർ മേരിമാതാ ഇടവകയുടെ ഒരു വര്‍ഷം നീണ്ടു നില്‍ക്കുന്ന രജത ജൂബിലി ആഘോഷങ്ങൾ സമാപിച്ചു. ആഘോഷ സമാപന പരിപാടികൾ ഞായറാഴ്ച വൈകുന്നേരം 5 മണിക്ക് വിശുദ്ധ കുർബാനയോടെ ആരംഭിച്ചു മാണ്ഡ്യാ രൂപത മെത്രാൻ മാർ സെബാസ്റ്റ്യൻ എടയന്ത്രത്ത് മുഖ്യ കാർമികത്വം വഹിച്ചു.

വൈകിട്ട് ഏഴു മണിക്ക് നടന്ന സമാപന പൊതുസമ്മേളനം മെത്രാൻ മാർ സെബാസ്റ്റ്യൻ എടയന്ത്രത്ത് ഉദ്ഘാടനം ചെയ്തു. ഫാ. സിബി ഞാവള്ളിക്കുന്നേൽ അധ്യക്ഷത വഹിച്ചു. ആരംഭ കാലത്തുണ്ടായിരുന്ന കുടുംബങ്ങളെ ചങ്ങില്‍ ആദരിച്ചു. ഇടവകയുടെ പുതിയ വെബ്സൈറ്റ്, ജൂബിലി സ്മരണിക എന്നിവ പ്രകാശനം ചെയ്തു. ഫാ. ജോസഫ് അരീക്കാതുണ്ടത്തിൽ, ഫാ. ജോർജ് വലിയമ്യാലിൽ, ഫാ. ജോൺ പുത്തേട്ട്,  സണ്ണി എ എസ് എന്നിവർ പ്രസംഗിച്ചു. വികാരി ഫാ. സെബാസ്റ്റ്യൻ പൊന്നാറ്റിൽ സ്വാഗതവും, ട്രസ്റ്റി ജെയിംസ് ടി.എല്‍ നന്ദി പറഞ്ഞു. ഇടവകാംഗങ്ങൾ അണിയിച്ചൊരുക്കിയ വിവിധ കലാപരിപാടികൾ, സ്നേഹവിരുന്ന് എന്നിവയും ഉണ്ടായിരുന്നു.
SUMMARY: Vijayanagar Mary Mata Parish; Silver Jubilee celebrations conclude