മുംബയ്: വനിതാ ട്വന്റി -20 യില് ടീം ഇന്ത്യയുടെ ലോകകപ്പ് പോരാട്ടങ്ങള്ക്ക് കരുത്തേകാന് രണ്ട് മലയാളി താരങ്ങള്. വയനാട്ടുകാരി സജന സജീവനും തിരുവനന്തപുരം സ്വദേശി ആശ ശോഭനയും ലോകകപ്പിനുള്ള ഇന്ത്യയുടെ പതിനഞ്ചംഗ ടീമില് ഇടം നേടി. ആദ്യമായാണ് രണ്ട് മലയാളി താരങ്ങൾ ലോകകപ്പിനുള്ള ഇന്ത്യൻ ക്രിക്കറ്റ് ടീമിൽ ഒരേ സമയം ഇടംപിടിക്കുന്നത്. ഹർമൻപ്രീത് കൗറാണ് ക്യാപ്റ്റൻ. സമൃതി മന്ദാന വെെസ് ക്യാപ്റ്റനാവും.
ഒക്ടോബര് മൂന്ന് മുതല് യുഎഇയില് വച്ചാണ് ലോകകപ്പ്. നാലിന് ന്യൂസിലന്ഡിന് എതിരെയാണ് ഇന്ത്യയുടെ ആദ്യ മത്സരം. ആറിന് പാകിസ്ഥാനെയും ഒന്പതിന് ശ്രീലങ്കയേയും പതിമൂന്നിന് നിലവിലെ ചാംപ്യന്മാരായ ഓസ്ട്രേലിയയേയും ഇന്ത്യ നേരിടും. ബംഗ്ലാദേശിലെ സുരക്ഷാ പ്രശ്നങ്ങള് മൂലം ടൂര്ണമെന്റ് യുഎഇയിലേക്ക് മാറ്റുകയായിരുന്നു.
ടീം അംഗങ്ങൾ
സിനിയർ താരം ഹർമൻപ്രീത് കൗർ നയിക്കുന്ന ടീമിൽ സ്മൃതി മന്ദാന, ഷെഫാലി വർമ്മ, ദീപ്തി ശർമ, ജെമീമ റോഡ്രിഗസ്, റിച്ച ഘോഷ്, യാസ്തിക ഭാട്ടിയ, പൂജ വസ്ത്രകർ, അരുന്ധതി റെഡ്ഡി, രേണുക സിംഗ് താക്കൂർ, ദയാലൻ ഹേമലത, ആശാ ശോധന, രാധാ യാദവ്, ശ്രേയങ്ക പാട്ടീൽ, സജന സജീവൻ
<br>
TAGS : WOMENS T20
SUMMARY : Women’s Twenty20 World Cup; Two Malayalees in the Indian team
