കാർ മേൽപ്പാലത്തിൽ നിന്ന് താഴേക്ക് മറിഞ്ഞ് രണ്ട് മരണം

കാർ മേൽപ്പാലത്തിൽ നിന്ന് താഴേക്ക് മറിഞ്ഞ് രണ്ട് പേർ മരിച്ചു. ആന്ധ്രയിലെ. ചിറ്റൂർ ബംഗരുപാലം ടൗൺ മേൽപ്പാലത്തിലായിരുന്നു ശനിയാഴ്ചയാണ് സംഭവം. അപകടത്തിൽ അഞ്ച് പേർക്ക് ഗുരുതരമായി പരുക്കേറ്റു.

ദൊഡ്ഡബല്ലാപുരയിൽ നിന്നുള്ള ഏഴ് തീർഥാടകരായിരുന്നു കാറിലുണ്ടായിരുന്നത്. രംഗയ്യ (56), ലക്ഷ്മി (35) എന്നിവർ സംഭവസ്ഥലത്ത് തന്നെ മരിച്ചു. മൂന്ന് സ്ത്രീകളും ഒരു കുഞ്ഞും ഉൾപ്പെടെ അഞ്ച് പേർക്ക് ഗുരുതരമായി പരുക്കേറ്റു.

തിരുമല ക്ഷേത്രത്തിൽ ദർശനത്തിനായി പോകുകയായിരുന്ന സംഘം സഞ്ചരിച്ച വാഹനം നിയന്ത്രണം വിട്ട് ഡിവൈഡറിൽ ഇടിച്ച് മേൽപ്പാലത്തിൽ നിന്ന് താഴേക്ക് മറിയുകയായിരുന്നു. ഇടിയുടെ ആഘാതത്തിൽ കാർ പൂർണമായും തകർന്നു. സംഭവത്തിൽ പോലീസ് കേസെടുത്തു.

TAGS: NATIONAL | ACCIDENT
SUMMARY: Two pilgrims from Bengaluru killed, 5 hurt in a road mishap near Chittoor