ബെംഗളൂരു: ബെംഗളൂരുവിൽ കെമിക്കൽ ഫാക്ടറി ഗോഡൗണിൽ തീപിടുത്തം. ഹെബ്ബഗോഡി ഇൻഡസ്ട്രിയൽ ഏരിയയിൽ പ്രവർത്തിക്കുന്ന വസ്ത്ര, കെമിക്കൽ ഫാക്ടറിയുടെ ഗോഡൗണിൽ വ്യാഴാഴ്ചയാണ് വൻ തീപിടിത്തമുണ്ടായത്. തുണി, പരുത്തി, വ്യാവസായിക തയ്യൽ യന്ത്രങ്ങൾ എന്നിവയുൾപ്പെടെയുള്ള അസംസ്‌കൃത വസ്തുക്കളും മറ്റ് സാധനങ്ങളും കത്തിനശിച്ചു.
കോട്ടൺ സംസ്‌കരണ യന്ത്രത്തിൽ നിന്നാണെന്ന് തീപിടുത്തം ഉണ്ടായത്. മോട്ടോറിൻ്റെ അമിത ചൂടും ഘർഷണവും കാരണം ഉടൻ തന്നെ ഗോഡൗണിൻ്റെ മറ്റ് ഭാഗങ്ങളിലേക്ക് തീ പടരുകയായിരുന്നു. തീപിടിത്തം ശ്രദ്ധയിൽപ്പെട്ടയുടൻ ആളുകൾ പുറത്തേക്ക് ഓടിയതിനാൽ ആളപായമൊന്നും റിപ്പോർട്ട് ചെയ്തിട്ടില്ല. ഏഴ് അഗ്നിശമനസേനാ യൂണിറ്റുകളും 88 ഓളം പേരടങ്ങുന്ന സംസ്ഥാന ദുരന്തനിവാരണ സംഘവും സ്ഥലത്തെത്തി രണ്ട് മണിക്കൂർ നീണ്ട പരിശ്രമത്തിനൊടുവിലാണ് തീയണച്ചത്. സംഭവത്തിൽ ഗോഡൗൺ മുഴുവനും കത്തിനശിച്ചു. ഹെബ്ബഗോഡി പോലീസ് കേസെടുത്തു.
TAGS: BENGALURU | FIRE
SUMMARY: Chemical factory gutted into fire in Bengaluru
WhatsApp
Telegram
