ബെംഗളൂരു: മലയാളി യുവാവ് ബെംഗളുരുവിൽ ബൈക്കപകടത്തിൽ മരിച്ചു. മലപ്പുറം പെരിന്തൽമണ്ണ മാനത്ത്മംഗലം എ.എം.എല്‍.പി സ്കൂളിന് സമീപം കരുവാത്ത് അലിയുടെ മകൻ മുഹമ്മദ് സുഹൈൽ (25) ആണ് മരിച്ചത്. യെലഹങ്കയില്‍ ശനിയാഴ്ച രാത്രി ഏട്ടരയോടെ സുഹൈൽ സഞ്ചരിച്ച ബൈക്ക് റോഡില്‍ അപകടത്തില്‍പ്പെട്ട നിലയില്‍ കണ്ടെത്തുകയായിരുന്നു. ഗുരുതരമായി പരുക്കേറ്റ സുഹൈലിനെ ആശുപത്രിയിലെത്തിച്ചെങ്കിലും രക്ഷപ്പെടുത്താനായില്ല.
മൃതദേഹം പോസ്റ്റ്മോര്‍ട്ടം നടപടിക്രമങ്ങള്‍ പൂര്‍ത്തിയാക്കി എഐകെഎംസിസി ആംബുലന്‍സില്‍ നാട്ടിലേക്ക് കൊണ്ടുപോയി. സംസ്കാരം തിങ്കളാഴ്ച രാവിലെ 10 മണിക്ക് മാനത്ത്മംഗലം ജുമാ മസ്ജിദിൽ നടക്കും.
ബെംഗളൂരു വിമാനത്താവളത്തില്‍ സ്വകാര്യ വിമാന കമ്പനിയിൽ ജീവനക്കാരനായിരുന്നു. മാതാവ് : കാപ്പുങ്ങൽ സലീന. സഹോദരങ്ങൾ : മുഹമ്മദ് ഷാഹിൽ, ഷിഫ്‌ല.
<BR>
TAGS : ACCIDENT | BENGALURU
SUMMARY : Malayali youth died in a bike accident in Bengaluru
WhatsApp
Telegram
