ബെംഗളൂരു: നമ്മ മെട്രോയുടെ നിരക്ക് വർധനവിൽ ഇടപെട്ട് സംസ്ഥാന സർക്കാർ. നിരക്ക് വർധനവ് അടിയന്തരമായി പുനപരിശോധിക്കണമെന്ന് ബിഎംആർസിഎല്ലിന് നിർദേശം നൽകി മുഖ്യമന്ത്രി സിദ്ധരാമയ്യ. കഴുത്തറപ്പൻ വർധനവാണിതെന്നും, സാധാരണക്കാർക്ക് ഇത് താങ്ങാൻ സാധിക്കില്ലെന്നും മുഖ്യമന്ത്രി ചൂണ്ടിക്കാട്ടി. നിരക്കുവർധനയുമായി ബന്ധപ്പെട്ട പൊരുത്തക്കേടുകൾ അടിയന്തരമായി പരിഹരിക്കണമെന്നും വർധനവ് കുറയ്ക്കണമെന്ന് ബിഎംആർസിഎൽ മാനേജിങ് ഡയറക്ടറോട് നിർദേശിച്ചതായി മുഖ്യമന്ത്രി സിദ്ധരാമയ്യ പറഞ്ഞു.
നിരക്ക് വർധനയുണ്ടായതോടെ യാത്രക്കാരിൽ നിന്ന് എതിർപ്പ് ശക്തമായ സാഹചര്യത്തിലാണ് വിഷയത്തിൽ സർക്കാർ ഇടപെട്ടത്. ചില റൂട്ടുകളിൽ 25 ശതമാനം വർധനയുണ്ടായപ്പോൾ ചില റൂട്ടുകളിൽ 30 ശതമാനത്തിലധികം വർധന രേഖപ്പെടുത്തി. 2017ന് ശേഷമാണ് നമ്മ മെട്രോയിൽ നിരക്കു വർധനയുണ്ടായത്. പരമാവധി നിരക്ക് 60 രൂപയിൽ നിന്ന് 90 രൂപയായും മിനിമം ബാലൻസ് 50 രൂപയിൽ നിന്ന് 90 രൂപയായുമാണ് വർധിപ്പിച്ചത്.
TAGS: NAMMA METRO
SUMMARY: Siddaramiah urges bmrcl to recheck fare hike
WhatsApp
Telegram
