തിരുവനന്തപുരം: എഞ്ചിനീയറിങ്, ഫാര്മസി പ്രവേശനത്തിനായി കമ്മീഷണര് ഫോര് എന്ട്രന്സ് എക്സാമിനേഷന് നടത്തുന്ന പ്രവേശന പരീക്ഷയായ കീം പരീക്ഷയുടെ പശ്ചാത്തലത്തില് കൂടുതല് സര്വീസുകള് നടത്തുമെന്ന് കെഎസ്ആര്ടിസി. പരീക്ഷാര്ത്ഥികളുടെ തിരക്കിന് അനുസരിച്ച് സര്വീസുകള് ലഭ്യമാക്കുമെന്നാണ് കെഎസ്ആര്ടിസി അറിയിച്ചത്. ഈ മാസം അഞ്ച് മുതല് ഒമ്പത് വരെ തിയ്യതികളിലാണ് പ്രവേശന പരീക്ഷണകള് നടക്കുന്നത്.
രാവിലെ 10 മണി മുതല് ഒരു മണി വരെയും ഉച്ചയ്ക്കുശേഷം 3.30 മുതല് 5 മണി വരെയുമാണ് പരീക്ഷാ സമയം. പരീക്ഷാര്ത്ഥികള്ക്ക് നിശ്ചിത സമയത്തിന് രണ്ടര മണിക്കൂര് മുന്പ് പരീക്ഷാ കേന്ദ്രങ്ങളില് റിപ്പോര്ട്ട് ചെയ്യേണ്ടതുണ്ട്. ഈ സമയക്രമം കൂടി പരിഗണിച്ചുള്ള സര്വീസുകളാണ് കെ എസ് ആര് ടി സി ക്രമീകരിച്ചിട്ടുള്ളത്. യാത്രക്കാരുടെ തിരക്കിനനുസരിച്ച് ആവശ്യമെങ്കില് കൂടുതല് സര്വീസുകള് നടത്തുന്നതിനുള്ള ക്രമീകരണങ്ങളും കെഎസ്ആര്ടിസി ചെയ്തിട്ടുണ്ട്.
<BR>
TAGS: KSRTC, KEAM-2024, EXAM
KEYWORDS: Keem exam: KSRTC to conduct more services from all districts
