ഛത്തീസ്ഗഢില് മാവോവാദികള് നടത്തിയ ഐ.ഇ.ഡി. സ്ഫോടനത്തില് രണ്ട് ജവാന്മാർക്ക് വീരമൃത്യു. ബിജാപുർ ജില്ലയിലാണ് സ്ഫോടനം ഉണ്ടായത്. സ്റ്റേറ്റ് ടാസ്ക് ഫോഴ്സിലെ ചീഫ് കോണ്സ്റ്റബിള് ഭരത് ലാല് സാഹു, കോണ്സ്റ്റബിള് സതേർ സിങ്ങ് എന്നിവരാണ് വീരമൃത്യു വരിച്ചത്. സംഭവത്തില് നാല് ജവാന്മാർക്ക് പരുക്കേറ്റിട്ടുണ്ട്.
ബുധനാഴ്ച രാത്രിയായിരുന്നു സംഭവം. നക്സല് വിരുദ്ധ ഓപ്പറേഷൻ കഴിഞ്ഞ് തിരിച്ചുവരുന്നതിനിടെ ആയിരുന്നു സ്ഫോടനം. പരുക്കേറ്റ ജവാന്മാർ നിലവില് പ്രദേശത്തെ ജില്ലാ ആശുപത്രിയില് ചികിത്സയിലാണ്. ഇവരെ വിദഗ്ധ ചികിത്സയ്ക്കായി റായ്പുരിലേക്ക് എയർലിഫ്റ്റ് ചെയ്യുമെന്നാണ് റിപ്പോർട്ട്.
TAGS : CHATTISGARH | SOLDIER | DEATH
SUMMARY : IED blast in Chhattisgarh; Two soldiers martyred
WhatsApp
Telegram
