ഡ്രൈവിംഗിനിടെ ബിഎംടിസി ബസ് ഡ്രൈവർക്ക് ഹൃദയാഘാതം; യാത്രക്കാർ രക്ഷപ്പെട്ടത് തലനാരിഴയ്ക്ക്

ബെംഗളൂരു: ഡ്രൈവിംഗിനിടെ ബിഎംടിസി ബസ് ഡ്രൈവർ ഹൃദയാഘാതം മൂലം മരിച്ചു. നെലമംഗലയിൽ നിന്ന് ദസനപുരയിലേക്ക് പോയ ബിഎംടിസി ബസിലാണ് സംഭവം. ഡ്രൈവർ കിരൺ കുമാർ (40) ആണ് മരിച്ചത്. ഡ്യൂട്ടിക്കിടെ കുമാറിന് നെഞ്ചുവേദന അനുഭവപ്പെടുകയും കുഴഞ്ഞു വീഴുകയായിരുന്നു.

ഇതോടെ ബസിന്റെ നിയന്ത്രണം നഷ്ടപ്പെട്ടു. ഉടൻ തന്നെ കണ്ടക്ടർ, ഡ്രൈവറെ സീറ്റിൽ നിന്ന് മാറ്റി ബസിന്റെ നിയന്ത്രണം വീണ്ടെടുത്തു. ബസ് റോഡരികിൽ നിർത്തി മുഴുവൻ യാത്രക്കാരെയും സുരക്ഷിതമായി പുറത്തിറക്കിയ ശേഷം മറ്റൊരു ബസിൽ കയറ്റിവിട്ടു. തുടർന്ന് കണ്ടക്ടർ, കിരൺ കുമാറിനെ അടുത്തുള്ള ആശുപത്രിയിൽ എത്തിച്ചെങ്കിലും അപ്പോഴേക്കും മരണം സംഭവിച്ചിരുന്നു.

TAGS: BENGALURU | BMTC
SUMMARY: BMTC bus driver dies of heart attack mid-route, conductor steps in to prevent mishap