പാർക്കിൽ കളിക്കുന്നതിനിടെ ഇരുമ്പ് ഗേറ്റ് ദേഹത്ത് വീണ് പതിനൊന്നുകാരൻ മരിച്ചു

ബെംഗളൂരു: പാർക്കിൽ കളിക്കുന്നതിനിടെ ഇരുമ്പ് ഗേറ്റ് ദേഹത്ത് വീണ് പതിനൊന്നുകാരൻ മരിച്ചു. മല്ലേശ്വരം രാജ ശങ്കര പാർക്കിൽ ഞായറാഴ്ചയാണ് സംഭവം. സുഹൃത്തിനൊപ്പം കളിക്കാൻ പാർക്കിലേക്ക് പോയ നിരഞ്ജൻ ആണ് മരിച്ചത്. പാർക്കിലെ ഏഴടി ഉയരമുള്ള ഇരുമ്പ് ഗേറ്റ് നിരഞ്ജന്റെ ദേഹത്തേക്ക് വീഴുകയായിരുന്നു.

നിരഞ്ജന്റെ തലയ്ക്കാണ് പരുക്കേറ്റത്. ഒപ്പമുണ്ടായിരുന്ന സുഹൃത്ത് പരുക്കേൽക്കാതെ രക്ഷപ്പെട്ടു. ഉടൻ തന്നെ കുട്ടിയെ കെസി ജനറൽ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ബിബിഎംപിയുടെ അനാസ്ഥയാണ് അപകടത്തിനു കാരണമെന്ന് നിരഞ്ജന്റെ രക്ഷിതാക്കൾ ആരോപിച്ചു. സംഭവത്തിൽ മല്ലേശ്വരം പോലീസ് കേസെടുത്തു.

TAGS: BENGALURU | DEATH
SUMMARY: 11-year-old Bengaluru boy dies of head injury after park gate collapses on him