പൊങ്കൽ; ബെംഗളൂരുവിൽ നിന്ന് സ്പെഷ്യൽ ട്രെയിനുകൾ അനുവദിച്ചു

ബെംഗളൂരു: പൊങ്കൽ ഉത്സവം പ്രമാണിച്ച് ബെംഗളൂരു-തൂത്തുക്കുടി, തൂത്തുക്കുടി-മൈസൂരു റൂട്ടുകളിൽ സ്പെഷ്യൽ ട്രെയിനുകൾ അനുവദിച്ചതായി ദക്ഷിണ പശ്ചിമ റെയിൽവേ (എസ്ഡബ്ല്യൂആർ) അറിയിച്ചു. ട്രെയിൻ നമ്പർ 06569 എസ്എംവിടി ബെംഗളൂരു-തൂത്തുക്കുടി എക്സ്പ്രസ് സ്പെഷൽ എസ്എംവിടി ബെംഗളൂരുവിൽ നിന്ന് ജനുവരി 10ന് രാത്രി 10 മണിക്ക് പുറപ്പെടും. ട്രെയിൻ അടുത്ത ദിവസം രാവിലെ 11 മണിക്ക് തൂത്തുക്കുടിയിലെത്തും.

ട്രെയിൻ നമ്പർ 06570 തൂത്തുക്കുടി – മൈസൂരു എക്സ്പ്രസ് സ്പെഷൽ തൂത്തുക്കുടിയിൽ നിന്ന് ജനുവരി 11ന് ഉച്ചയ്ക്ക് ഒരു മണിക്ക് പുറപ്പെടും. പിറ്റേന്ന് രാവിലെ 6.30ന് മൈസൂരുവിലെത്തും. ട്രെയിനിൽ 12 എസി ത്രീടയർ കോച്ചുകൾ, മൂന്ന് സ്ലീപ്പർ ക്ലാസ് കോച്ചുകൾ, രണ്ട് ജനറൽ സെക്കൻഡ് ക്ലാസ് കോച്ചുകൾ, രണ്ട് ലഗേജ് കം ബ്രേക്ക് വാനുകൾ എന്നിവയുണ്ടാകും. കോവിലപ്പിട്ടി, സത്തൂർ, വിരുദുനഗർ, മധുര, ഡിണ്ടിഗൽ, കരൂർ, നാമക്കൽ, സേലം, ബംഗാരപേട്ട്, കൃഷ്ണരാജപുരം, കെഎസ്ആർ ബെംഗളൂരു, മാണ്ഡ്യ എന്നിവിടങ്ങളിൽ നിർത്തും.

TAGS: BENGALURU | SPECIAL TRAIN
SUMMARY: Special trains allotted from bengaluru amid Ponkal