ബെംഗളൂരു: ബെംഗളൂരു കെംപെഗൗഡ രാജ്യാന്തര വിമാനത്താവളത്തിന് സമീപം പുതിയ റെയിൽവേ ടെർമിനൽ നിർമ്മിക്കാൻ പദ്ധതി ആവിഷ്കരിച്ചതായി കേന്ദ്ര റെയിൽവേ സഹമന്ത്രി വി. സോമണ്ണ പറഞ്ഞു. വിമാനത്താവളത്തിലേക്ക് എത്തുന്ന യാത്രക്കാർക്ക് വേണ്ടിയാണ് പുതിയ സൗകര്യം. നഗരത്തിന്റെ സമീപപ്രദേശങ്ങളെ ബന്ധിപ്പിക്കുന്നതിനുള്ള സർക്കുലർ റെയിൽവേ പദ്ധതി നടപ്പിലാക്കുന്നതിനുള്ള സർവേ പ്രവർത്തനങ്ങൾ ഇതിനകം പൂർത്തിയായിട്ടുണ്ടെന്നും മന്ത്രി പറഞ്ഞു. പദ്ധതി പ്രകാരം നാല് സ്ഥലങ്ങളിൽ റെയിൽവേ ടെർമിനലുകൾ സ്ഥാപിക്കാൻ തീരുമാനിച്ചിട്ടുണ്ട്.
ഈ ടെർമിനലുകളിൽ ഒന്ന് കെംപെഗൗഡ അന്താരാഷ്ട്ര വിമാനത്താവളത്തിന് സമീപം സ്ഥാപിക്കുമെന്ന് അദ്ദേഹം പറഞ്ഞു. ബെംഗളൂരുവിന്റെ ജനസംഖ്യ അതിവേഗം വളരുന്ന സാഹചര്യത്തിൽ റെയിൽവേ പദ്ധതികൾ നടപ്പിലാക്കേണ്ടത് അനിവാര്യമാണെന്ന് അദ്ദേഹം പറഞ്ഞു. റെയിൽവേ പദ്ധതികൾ നടപ്പിലാക്കുന്നതിനായി കേന്ദ്ര സർക്കാർ കർണാടകയ്ക്ക് പ്രതിവർഷം 7,000 മുതൽ 8,000 കോടി വരെ നൽകുന്നുണ്ട്. അതിനാൽ എല്ലാ പഴയ പദ്ധതികളും രണ്ടോ മൂന്നോ വർഷത്തിനുള്ളിൽ പൂർത്തിയാക്കാനാണ് ശ്രമിക്കുന്നത്.
TAGS: BENGALURU | AIRPORT
SUMMARY: New railway terminal will be established near Kempegowda International Airport in Bengaluru
WhatsApp
Telegram
