കൊല്‍ക്കത്തയിലെ നേതാജി സുഭാഷ് ചന്ദ്രബോസ് അന്താരാഷ്ട്ര വിമാനത്താവളത്തില്‍ ബോംബ് ഭീഷണി. അജ്ഞാത ഫോണ്‍ കോളിനെ തുടർന്ന് ഉച്ചകഴിഞ്ഞ് വിമാനത്താവളത്തില്‍ അതീവ ജാഗ്രത പ്രഖ്യാപിച്ചു. കൊല്‍ക്കത്ത – മുംബൈ ഇൻഡിഗോ വിമാനത്തില്‍ ബോംബ് വച്ചിട്ടുണ്ടെന്ന് അജ്ഞാതൻ വിമാനത്താവളത്തിലേക്ക് വിളിച്ചറിയിക്കുകയായിരുന്നു.
ഭീഷണിയെ തുടർന്ന് ബോംബ് സ്ക്വാഡ് സ്ഥലത്തെത്തി പരിശോധന നടത്തി. വിമാനത്തില്‍ കയറിയ യാത്രക്കാരെ സുരക്ഷിത സ്ഥാനത്തേക്ക് മാറ്റിയതായി അധികൃതർ അറിയിച്ചു. യാത്രക്കാർ ചെക്ക് ഇൻ ചെയ്തതിനു ശേഷമാണ് കോള്‍ വന്നതെന്ന് ഒരു വിമാനത്താവള ഉദ്യോഗസ്ഥൻ പറഞ്ഞു. ഉച്ചയ്ക്ക് 1.30 ന് യാത്ര തുടങ്ങി 4.20 ന് മുംബൈയില്‍ ഇറങ്ങേണ്ടതായിരുന്നു വിമാനം.
അടിയന്തര പ്രോട്ടോക്കോള്‍ പാലിച്ച്‌ 195 യാത്രക്കാരോടും ഉടൻ തന്നെ ഒ‍ഴിപ്പിക്കുകയും വിമാനം ഐസൊലേഷൻ ബേയിലേക്ക് മാറ്റുകയും ചെയ്തതായും അദ്ദേഹം കൂട്ടിച്ചേർത്തു. വിമാനത്തില്‍ നിന്ന് ലഗേജുകള്‍ മാറ്റുകയും ബോംബ് സ്ക്വാഡ് ഉദ്യോഗസ്ഥർ വിമാനം മു‍ഴുവൻ സ്കാൻ ചെയ്യുകയും ചെയ്തു.
TAGS : BOMB THREAT
SUMMARY : Bomb threat on IndiGo flight; passengers evacuated
WhatsApp
Telegram
