കണ്ണൂര്: കണ്ണൂര് ഉദയഗിരിയില് ആഫ്രിക്കന് പന്നിപ്പനി സ്ഥിരീകരിച്ചു. ഉദയഗിരി ഗ്രാമപഞ്ചായത്തിലെ മണ്ണാത്തികുണ്ട് ബാബു കൊടകനാലിന്റെ ഉടമസ്ഥതയിലുള്ള പന്നി ഫാമിലാണ് ആഫ്രിക്കന് പന്നിപ്പനി സ്ഥിരീകരിച്ചത്. ഈ ഫാമിലെയും പ്രഭവകേന്ദ്രത്തിന്റെ ഒരു കിലോ മീറ്റര് ചുറ്റളവിലുള്ള മുഴുവന് പന്നികളെയും അടിയന്തിരമായി ഉന്മൂലനം ചെയ്ത് മാനദണ്ഡങ്ങള് അനുസരിച്ച് സംസ്കരിക്കാനും ജില്ലാ ദുരന്ത നിവാരണ അതോറിറ്റി ചെയര്മാനായ ജില്ലാ കളക്ടര് അരുണ് കെ വിജയന് ഉത്തരവിട്ടു.
ഉദയഗിരി പഞ്ചായത്തില് രോഗം സ്ഥീരീകരിച്ച പന്നിഫാമിന് ചുറ്റുമുള്ള ഒരു കീലോമീറ്റര് പ്രദേശം രോഗ ബാധിത പ്രദേശമായും 10 കീലോമീറ്റര് ചുറ്റളവ് രോഗ നിരീക്ഷണ മേഖലയായും ജില്ലാ കളക്ടര് പ്രഖ്യാപിച്ചു. ഈ പ്രദേശങ്ങളില് പന്നി മാംസം വിതരണം ചെയ്യുന്നതും വിതരണം ചെയ്യുന്ന കടകളുടെ പ്രവര്ത്തനവും പന്നികളെ ജില്ലയിലെ മറ്റു പ്രദേശങ്ങളില് കൊണ്ടുപോകുന്നതും മറ്റ് പ്രദേശങ്ങളില് നിന്ന് നിരീക്ഷണ മേഖലയിലേയ്ക്ക് കൊണ്ട് വരുന്നതും മൂന്ന് മാസത്തേക്ക് ജില്ലാ കളക്ടര് നിരോധിച്ചു. ചെക്ക് പോസ്റ്റുകളിലും ജില്ലയിലേക്കുള്ള മറ്റ് പ്രവേശന മാർഗങ്ങളിലും പോലീസുമായും ആർടിഒയുമായും ചേർന്ന് മൃഗ സംരക്ഷണ വകുപ്പ് കർശനമായ പരിശോധന നടത്തും.
<BR>
TAGS : SWINE FLU | KANNUR
SUMMARY : African swine fever confirmed in Udayagiri, Kannur
WhatsApp
Telegram
