കനത്ത മഴ; കർണാടകയിലെ ആറ് ജില്ലകളിൽ റെഡ് അലർട്ട്

ബെംഗളൂരു: കനത്ത മഴ കാരണം കർണാടകയിലെ ആറ് ജില്ലകളിൽ റെഡ് അലർട്ട് പ്രഖ്യാപിച്ചതായി കാലാവസ്ഥ നിരീക്ഷണ കേന്ദ്രം (ഐഎംഡി) അറിയിച്ചു. ഉത്തര കന്നഡ, ഉഡുപ്പി, ദക്ഷിണ കന്നഡ, ശിവമോഗ, ചിക്കമഗളൂരു, കുടക് എന്നീ ജില്ലകളിലാണ് രണ്ട് ദിവസത്തേക്ക് റെഡ് അലർട്ട് പുറപ്പെടുവിച്ചത്. ജില്ലകളിൽ വരും ദിവസങ്ങളിൽ ശക്തമായ മഴയ്ക്ക് സാധ്യതയുള്ളതായി ഐഎംഡി അറിയിച്ചു.

ജൂലൈ 16, 17 തീയതികളിൽ ഈ ജില്ലകളിൽ ഓറഞ്ച് അലർട്ടും പ്രഖ്യാപിച്ചിട്ടുണ്ട്. ജൂലൈ 17 വരെ ബെലഗാവി, ധാർവാഡ്, കലബുർഗി, യാദ്ഗിർ എന്നീ ജില്ലകളിൽ യെല്ലോ അലർട്ട് പ്രഖ്യാപിച്ചിട്ടുണ്ട്. ബെംഗളൂരുവിൽ ജൂലൈ 16 വരെ ശക്തമായ മഴയ്ക്ക് സാധ്യതയുണ്ട്. ഞായറാഴ്ച ഉത്തര കന്നഡ, ദക്ഷിണ കന്നഡ, ഉഡുപ്പി എന്നീ തീരദേശ ജില്ലകളിൽ തുടർച്ചയായി കാറ്റിൻ്റെ വേഗത മണിക്കൂറിൽ 40-50 കിലോ മീറ്റർ ആയിരിക്കുമെന്ന് ഐഎംഡി വ്യക്തമാക്കി.

TAGS: KARNATAKA | RAIN UPDATES
SUMMARY: Red alert issued for 6 districts in Karnataka including DK and Udupi