ടി ജെ എസ് ജോർജിന്റെ ഭാര്യ അമ്മു ജോർജ്‌ അന്തരിച്ചു

ബെംഗളൂരു: മുതിര്‍ന്ന മാധ്യമപ്രവര്‍ത്തകനും എഴുത്തുകാരനുമായ ടി ജെ എസ് ജോർജിന്റെ ഭാര്യ അമ്മു ജോർജ്‌ (90, അമ്മിണി തോമസ്) അന്തരിച്ചു. അസുഖബാധിതയായി ചകിത്സയിലായിരുന്നു. ബെംഗളൂരുവിലെ സ്വകാര്യ ആശുപത്രിയിൽ വ്യാഴാഴ്ച രാത്രിയോടെയായിരുന്നു അന്ത്യം.

എറണാകുളം പിറവത്തിനടുത്ത് മാമലശ്ശേരി അനിത്തോട്ടം കുടുംബത്തിൽ മണിതോമസ് ചിന്നമ്മ തോമസ് ദമ്പതികളുടെ മകളാണ്. ആലുവ മഹിളാലയം സ്കൂളിലും ചെന്നെയിലുമായായിരുന്നു വിദ്യാഭ്യാസം. ബെംഗളൂരുവിലായിരുന്നു സ്ഥിരതാമസം. ഭര്‍ത്താവ് ടിജെഎസ് ജോര്‍ജുമൊത്ത് നിരവധി ലോകരാജ്യങ്ങള്‍ സന്ദര്‍ശിച്ചിട്ടുണ്ട്.

പ്രശസ്ത നോവലിസ്റ്റ് ജീത് തയ്യിൽ, ഷേബ എന്നിവരാണ് മക്കൾ. സംസ്കാര ചടങ്ങുകളില്ല. അന്ത്യാഭിലാഷം അനുസരിച്ച് മൃതദേഹം മെഡിക്കൽ വിദ്യാർഥികൾക്ക് പഠിക്കാൻ കെെമാറും.
<BR>
TAGS : OBITUARY
SUMMARY : TJS George’s wife Ammu George passes away