ബെംഗളൂരു: ഗ്ലാസ് ഭിത്തിയിലൂടെ നന്ദി ഹിൽസിന്റെ സൗന്ദര്യം ആസ്വദിച്ചു ഭക്ഷണം കഴിക്കാൻ സന്ദർശകർക്ക് അവസരമൊരുക്കുന്ന പുതിയ റസ്റ്ററന്റുമായി കർണാടക സ്റ്റേറ്റ് ടൂറിസം ഡവലപ്മെന്റ് കോർപറേഷൻ (കെഎസ്ടിഡിസി). 200 സീറ്റുകളുള്ള മയൂര സൺറൈസ് റസ്റ്ററന്റിനു മുഖ്യമന്ത്രി സിദ്ധരാമയ്യ തറക്കല്ലിട്ടു. നിലവിൽ നന്ദിഹിൽസിൽ കെഎസ്ടിഡിസിയുടെ മയൂര പൈൻ ടോപ് റസ്റ്ററന്റ് പ്രവർത്തിക്കുന്നുണ്ട്. എന്നാൽ ഓരോ വർഷവും 9 ശതമാനമെന്ന കണക്കിൽ സന്ദർശകരുടെ എണ്ണം വർധിക്കുന്ന സാഹചര്യത്തിലാണ് സൗകര്യങ്ങൾ വർധിപ്പിക്കുന്നത്.
2023ൽ നന്ദി ഹിൽസിൽ 19.48 ലക്ഷം സന്ദർശകരാണ് എത്തിയത്. 2024ൽ 21.32 ലക്ഷം 2025ൽ 23.35 ലക്ഷം എന്നിങ്ങനെ സന്ദർശകരുടെ എണ്ണം വർധിച്ചു. 2028ൽ ഇതു 31.98 ലക്ഷമായി ഉയരുമെന്നാണ് പ്രതീക്ഷിക്കുന്നത്.
SUMMARY: Nandi Hills to get new glass-walled restaurant as tourist numbers climb
WhatsApp
Telegram
