പൂരം കലക്കല്‍; അന്വേഷണത്തിന് പ്രത്യേക സംഘം

തിരുവനന്തപുരം: തൃശൂർ പൂരം അട്ടിമറി ആരോപണത്തില്‍ അന്വേഷണത്തിന് പ്രത്യേക സംഘത്തെ രൂപീകരിച്ചു. ക്രൈംബ്രാഞ്ച് മേധാവി എച്ച്‌ വെങ്കിടേഷിന്റെ നേതൃത്വത്തിലാണ് അന്വേഷണം നടത്തുന്നത്. ലോക്കല്‍ പോലീസ്, സൈബർ ഡിവിഷൻ, വിജിലൻസ് ഉദ്യാേഗസ്ഥരെ ഉള്‍പ്പെടുത്തിയാണ് പ്രത്യേക സംഘം രൂപീകരിച്ചിരിക്കുന്നത്.

കൊല്ലം റൂറല്‍ എസി. പി. സാബു മാത്യു, കൊച്ചി എസി. പി. പി രാജ്കുമാർ, തൃശൂർ റെയ്ഞ്ച് ഡിഐജി തോംസണ്‍ ജോസ്, വിജിലൻസ് ഡിവൈഎസ്പി ബിജു വി നായർ എന്നിവരും ഇൻസ്പെക്ടർമാരായ ചിത്തരഞ്ചൻ, ആർ ജയകുമാർ എന്നിവരെയും പ്രത്യേക അന്വേഷണ സംഘത്തില്‍ ഉള്‍പ്പെടുത്തിയിട്ടുണ്ട്. ഡിജിപിയുടെ നിർദേശ പ്രകാരം ഈ മാസം മൂന്നിനാണ് ത്രിതല അന്വേഷണം നടത്താൻ സർക്കാർ തീരുമാനിച്ചത്.

TAGS : THRISSUR POORAM | INVESTIGATION
SUMMARY : Thrissur Pooram; Special Investigation Team