ഭക്ഷണത്തിൽ ചത്ത പ്രാണി; വിമാനത്താവളത്തിലെ സബ് വേ ഔട്ട്‌ലെറ്റ്‌ താൽക്കാലികമായി അടച്ചു

ബെംഗളൂരു: ഓർഡർ ചെയ്ത ഭക്ഷണത്തിൽ നിന്ന് ചത്ത പ്രാണിയെ ലഭിച്ചതിനെ തുടർന്ന് ബെംഗളൂരു കെംപെഗൗഡ രാജ്യാന്തര വിമാനത്താവളത്തിലെ സബ് വേ ഔട്ട്‌ലെറ്റ്‌ താൽക്കാലികമായി അടച്ചു. ഡൽഹിയിൽ നിന്ന് ബെംഗളൂരുവിലത്തിയ യാത്രക്കാരിയാണ് ഔട്ലെറ്റിൽ നിന്നും ചിക്കൻ റാപ്പ് ഓർഡർ ചെയ്തത്.

അൽപം കഴിച്ച ശേഷം റാപ്പ് തുറന്നതോടെ ചത്ത പ്രാണിയെ കണ്ടെത്തുകയായിരുന്നു. ഉടൻ എയർപോർട്ട് പോലീസിൽ യുവതി വിവരമറിയിച്ചു. ഭക്ഷ്യ സുരക്ഷ ഉദ്യോഗസ്ഥർ സ്ഥലത്തെത്തി ഔട്ട്ലെറ്റ് താൽക്കാലികമായി സീൽ ചെയ്തു. സംഭവത്തിൽ വിശദ അന്വേഷണത്തിന് ശേഷം തുടർ നടപടികൾ സ്വീകരിക്കുമെന്ന് ഭക്ഷ്യ സുരക്ഷ ഉദ്യോഗസ്ഥർ പറഞ്ഞു.

TAGS: BENGALURU | FOOD
SUMMARY: Woman finds dead insect in subway wrap at Bengaluru Airport, outlet closed