മതിൽ ഇടിഞ്ഞ് ദേഹത്ത് വീണ് കർഷക തൊഴിലാളി മരിച്ചു

ബെംഗളൂരു: മതിൽ ഇടിഞ്ഞ് ദേഹത്ത് വീണ് കർഷക തൊഴിലാളി മരിച്ചു. ആനേക്കലിനു സമീപം ബൊമ്മസാന്ദ്ര ഇൻഡസ്ട്രിയൽ ഏരിയയിലാണ് സംഭവം. പ്രദേശത്തെ കൃഷിഭൂമിയിൽ മണ്ണ് നിരപ്പാക്കുന്നതിനിടെ മതിൽ ഇടിഞ്ഞ് ദേഹത്തേക്ക് വീഴുകയായിരുന്നു.

റായ്ച്ചൂർ ദേവദുർഗ സ്വദേശി പരുശുറാം ആണ് മരിച്ചത്. സംഭവത്തിൽ രണ്ടു പേർക്ക് പരുക്കേറ്റു. ഇവരെ സമീപത്തെ ആശുപത്രിയിൽ പ്രവേശിപ്പിച്ചിട്ടുണ്ട്. കൃഷിഭൂമി രമണ റെഡ്ഡി എന്ന വ്യക്തിയുടേതാണെന്നും ഏകദേശം 12 വർഷം മുമ്പാണ് ഇവിടെ മതിൽ നിർമ്മിച്ചതെന്നും ഹെബ്ബഗോഡി പോലീസ് പറഞ്ഞു. അപകടത്തിന്റെ കൃത്യമായ കാരണം വ്യക്തമല്ല. സംഭവത്തിൽ ഹെബ്ബഗോഡി പോലീസ് കേസെടുത്തു.

TAGS: BENGALURU | DEATH
SUMMARY: Daily wage labourer killed in compound collapse in Bengaluru