കൊച്ചി: കോതമംഗലത്തെ 23 വയസ്സുകാരിയുടെ ആത്മഹത്യയിൽ എൻ ഐ എ അന്വേഷണം ആവശ്യപ്പെട്ട് കുടുംബം. പെണ്കുട്ടിയുടെ മാതാവ് ഇക്കാര്യം ആവശ്യപ്പെട്ട് മുഖ്യമന്ത്രിക്കും, സംസ്ഥാന പോലീസ് മേധാവിക്കും കത്തയച്ചു. കേരള പോലീസ് ചുമത്തിയത് ദുര്ബല വകുപ്പുകള് എന്നാണ് കുടുംബത്തിന്റെ ആരോപണം. മതപരിവർത്തനത്തിന് പിന്നിൽ ബാഹ്യ ഇടപെടലുകളുണ്ടോയെന്ന് പരിശോധിക്കണമെന്നും കത്തിൽ ആവശ്യപ്പെട്ടിട്ടുണ്ട്.
യുവതിയുടെ മരണത്തില് അന്വേഷണത്തിന് പ്രത്യേക പോലീസ് സംഘത്തെ നിയോഗിച്ചിട്ടുണ്ട്. മൂവാറ്റുപുഴ ഡിവൈഎസ്പിയുടെ നേതൃത്വത്തിലുള്ള പത്തംഗസംഘമാണ് കേസ് അന്വേഷിക്കുന്നത്. യുവതിയുടെ ആത്മഹത്യകുറിപ്പ് കണ്ടെത്തിയ സാഹചര്യത്തില് ഗുരുതരമായ ആരോപണങ്ങളുമായി കുടുംബം രംഗത്ത് വന്നിരുന്നു. മതപരിവര്ത്തനം ആവശ്യപ്പെട്ടുള്ള പീഡനം ഉള്പ്പെടെയുള്ള ആരോപണങ്ങള് യുവതിയുടെ ബന്ധുക്കള് ഉയര്ത്തിയിരുന്നു. മതപരിവര്ത്തനം ഉള്പ്പെടെയുള്ളവ നടന്നിട്ടുണ്ടോയെന്ന കാര്യത്തില് അന്വേഷണം വേണമെന്നും അതിനാല് കേസ് എന്ഐഎ അന്വേഷിക്കണമെന്നുമാണ് മുഖ്യമന്ത്രിയ്ക്കും ഡിജിപിയ്ക്കും നല്കിയ കത്തില് ആവശ്യപ്പെട്ടിരിക്കുന്നത്.
SUMMARY: 23-year-old woman’s suicide in Kothamangalam; Family demands NIA investigation
