മൈസൂരുവിൽ ബൈക്കപകടം; മലയാളി യുവതി മരിച്ചു

ബെംഗളൂരു : മൈസൂരുവിന് സമീപം ബൈക്ക് അപകടത്തിൽ മലയാളി യുവതി മരിച്ചു. എരുമേലി സൗത്ത് എരുത്വാപ്പുഴ കളത്തൂർ ബിജു- സുനിത ദമ്പതികളുടെ ഏക മകൾ കാർത്തിക ബിജു (25) ആണ് മരിച്ചത്ല.  ഒപ്പമുണ്ടായിരുന്ന യുവാവിന് പരിക്കേറ്റു.പാലക്കാട് ചെർപ്പുളശ്ശേരി ചങ്കുപുതിയാറത്ത് തരകൻ ഗിരിശങ്കറിനാണ് (25) പരുക്കേറ്റത്. ഗിരിശങ്കറിനെ മൈസൂരുവിലെ സ്വകാര്യാശുപത്രിയിൽ പ്രവേശിപ്പിച്ചു. ഇന്നലെ ഉച്ചയ്ക്ക് മൈസൂരു–നഞ്ചൻഗുഡ് ദേശീയപാതയിലായിരുന്നു അപകടം.

ബെംഗളൂരുവിലെ ഐടി കമ്പനിയായ ഡെഡ്യൂസ് ടെക്‌നോളജീസിൽ ജിഐഎസ് അനലിസ്റ്റാണ് കാർത്തിക. ഇതേ കമ്പനിയിലെ ജീവനക്കാരനാണ് ഗിരിശങ്കർ. ഇരുവരും നാട്ടിൽനിന്ന് ബെംഗളൂരുവിലേക്ക് വരുമ്പോഴായിരുന്നു അപകടം. ഇവർ സഞ്ചരിച്ച ബൈക്ക് മറിയുകയായിരുന്നു.
<br>
TAGS : BIKE ACCIDENT | MYSURU
SUMMARY : Bike accident in Mysore; Malayali woman died