കോട്ടയം: ലൗ ജിഹാദ് പരാമർശത്തില് ബിജെപി നേതാവ് പിസി ജോർജിനെതിരെ കേസെടുക്കേണ്ടതില്ലെന്ന് പോലീസ് തീരുമാനം. നിയമോപദേശത്തിന്റെ അടിസ്ഥാനത്തിലാണ് പോലീസ് ഇക്കാര്യം തീരുമാനിച്ചത്. പാലായില് നടന്ന ലഹരിവിരുദ്ധ സെമിനാറില് ആയിരുന്നു പിസി ജോർജിന്റെ വിവാദ പരാമർശം.
മീനച്ചില് താലൂക്കില് മാത്രം ലൗ ജിഹാദിലൂടെ 400 പെണ്കുട്ടികളെ നഷ്ടപ്പെട്ടെന്ന് പിസി ജോർജ് പറഞ്ഞിരുന്നു. ഇതില് 41 പെണ്കുട്ടികളെ മാത്രമാണ് തിരിച്ചുകിട്ടിയത്. പാലാ ബിഷപ് ലഹരിക്കെതിരെ വിളിച്ച സമ്മേളനത്തിലായിരുന്നു പിസി ജോർജിന്റെ പരാമർശം.
22, 23 വയസാകുമ്പോൾ ക്രിസ്ത്യൻ പെണ്കുട്ടികളെ കെട്ടിച്ച് വിടണമെന്നും ക്രൈസ്തവ സമൂഹം ഇക്കാര്യം ശ്രദ്ധിക്കണമെന്നും പിസി ജോർജ് പറഞ്ഞിരുന്നു. നേരത്തെ മുസ്ലിം വിരുദ്ധ പരാമർശത്തെ തുടർന്ന് പിസി ജോർജിനെ അറസ്റ്റ് ചെയ്തിരുന്നു. ഈ കേസില് ജാമ്യത്തിലാണ് പിസി ജോർജ്.
TAGS : PC GEORGE
SUMMARY : Love Jihad remark: Police will not file a case against PC George
WhatsApp
Telegram
