ശ്രീനഗറിലേക്ക് തിരിച്ച വിസ്താര വിമാനത്തിനെതിരെ ബോംബ് ഭീഷണി

ഡൽഹിയിൽ നിന്നും ശ്രീന​ഗറിലേക്ക് തിരിച്ച വിസ്താര വിമാനത്തിന് ബോംബ് ഭീഷണി. 177 യാത്രക്കാരുമായി പോയ വിസ്താര എയർലൈൻസിന്റെ UK-611 വിമാനത്തിനാണ് ബോംബ് ഭീഷണി ലഭിച്ചത്. പുലർച്ചെ 12.10ഓടെ വിമാനം സുരക്ഷിതമായി ശ്രീന​ഗർ എയർപോർട്ടിലിറക്കി. ബോംബ് ഭീഷണിയുള്ളതിനെത്തുടർന്ന് ലാൻഡ് ചെയ്ത വിമാനം ഐസൊലേഷൻ ബേയിലേക്ക് മാറ്റിയ ശേഷമാണ് തുടർ നടപടികൾ സ്വീകരിച്ചത്. യാത്രക്കാരെ സുരക്ഷിതമായി തിരികെയിറക്കി.

പരിശോധനകൾക്ക് ശേഷം വിമാനത്തിന് വീണ്ടും യാത്രയ്ക്കുള്ള അനുമതി നൽകി. വിമാനത്തിന് ബോംബ് ഭീഷണി ലഭിച്ചതായി വിസ്താരയും സ്ഥിരീകരിച്ചു. അന്വേഷണം പുരോ​ഗമിക്കുകയാണെന്ന് അധികൃതർ അറിയിച്ചു. ചൊവ്വാഴ്ച ഡൽഹിയിൽ നിന്ന് വാരാണസിയിലേക്കുപോയ ഇൻഡിഗോ വിമാനത്തിനും ബോംബ് ഭീഷണി ഉണ്ടായിരുന്നു.