ഡല്ഹി: ടി പി ചന്ദ്രശേഖരന് വധക്കേസ് പ്രതിയായ ജ്യോതിബാബുവിന് ജാമ്യം നല്കുന്നതിനെതിരെ സുപ്രീം കോടതിയില് സത്യവാങ്മൂലം ഫയല് ചെയ്ത് കെകെരമ എംഎല്എ. പ്രതികള്ക്ക് അനുപാതരഹിതമായ ഇളവുകളാണ് ഇതുവരെ ലഭിച്ചിട്ടുള്ളതെന്നും അടിക്കടി ജാമ്യം നല്കുന്നത് നിയമ സംവിധാനങ്ങളിലുള്ള പൊതുജനത്തിന്റെ വിശ്വാസ്യത നഷ്ടമാകാൻ ഇടയാക്കുമെന്നും ചൂണ്ടിക്കാട്ടിയാണ് കെകെ രമ സുപ്രീം കോടതിയില് സത്യവാങ്മൂലം നല്കിയത്.
പ്രതികള്ക്ക് ജാമ്യം നല്കുന്നത് അപകടകരവും മനോവീര്യം കെടുത്തുന്നതുമായ സന്ദേശം നല്കും. ജ്യോതി ബാബുവിന് ജാമ്യം അനുവദിക്കുന്നതിനെ എതിർത്തതാണ് രമ സുപ്രീം കോടതിയില് സത്യവാങ്മൂലം ഫയല് ചെയ്തിട്ടുള്ളത്. ആരോഗ്യകാരണങ്ങള് ചൂണ്ടിക്കാട്ടിയാണ് ജ്യോതിബാബു ജാമ്യത്തിനായി സുപ്രീംകോടതിയെ സമീപിച്ചത്. കേസ് ഇന്ന് വീണ്ടും സുപ്രീം കോടതി പരിഗണിക്കും.
ടി പി വധക്കേസില് ഹൈക്കോടതി ശിക്ഷിച്ച ജ്യോതി ബാബുവിന് ജാമ്യം അനുവദിക്കുന്നതിനെ എതിർത്ത് ഫയല് ചെയ്ത സത്യവാങ്മൂലത്തില് കെകെ രമ കേസിലെ കുറ്റവാളികള്ക്ക് ലഭിക്കുന്ന ഇളവുകള് വിശദീകരിച്ചിരിട്ടുണ്ട്. കഴിഞ്ഞ 12 വർഷത്തിനിടയില് കേസില് ശിക്ഷിക്കപ്പെട്ട മൂന്ന് പേർക്ക് ആയിരം ദിവസത്തിലധികം പരോള് അനുവദിച്ചു. ആറ് പേർക്ക് 500 ദിവസത്തിലധികം പരോള് അനുവദിച്ചു.
കേസിലെ എട്ടാം പ്രതിയായ കെ സി രാമചന്ദ്രൻ 1081 ദിവസം പരോളില് കഴിഞ്ഞെന്നാണ് രമ ചൂണ്ടിക്കാട്ടുന്നത്. അതായത് 31 % ജയിലിലിന് പുറത്ത് ആയിരുന്നു. ആറാം പ്രതി സിജിത്ത് 1078 ദിവസവും, രണ്ടാം പ്രതി മനോജ് 1068 ദിവസവും, നാലാം പ്രതി ടി കെ രജീഷ് 940 ദിവസവും ആണ് പരോളില് കഴിഞ്ഞത്. ഏഴാം പ്രതി ഷിനോജിന് ലഭിച്ചത് 925 ദിവസത്തെ പരോള് ലഭിച്ചെന്നും സത്യവാങ്മൂലത്തില് ചൂണ്ടിക്കാട്ടിയിട്ടുണ്ട്. അഭിഭാഷകൻ എ കാർത്തിക് ആണ് രമയുടെ സത്യവാങ്മൂലം ഫയല് ചെയ്തത്.
SUMMARY: TP murder case; KK Rama moves Supreme Court against granting bail to Jyothibabu
