ബെംഗളൂരു: കന്നഡ നടി രന്യ റാവു ഉള്‍പ്പെട്ട കേസില്‍ സ്വര്‍ണ വ്യാപാരി അറസ്റ്റില്‍. കേസുമായി ബന്ധപ്പെട്ട മൂന്നാമത്തെ അറസ്റ്റാണിത്. ബെള്ളാരി സ്വദേശിയായ സാഹില്‍ സക്കറിയ ജെയിന്‍ ആണ് പിടിയിലായത്. സ്വര്‍ണക്കടത്തില്‍ ഇയാള്‍ രന്യയെ പലതവണ സഹായിച്ചതായാണ് അന്വേഷണ സംഘത്തിന്റെ കണ്ടെത്തല്‍.
സാഹിൽ ജെയിനിന്റെ അച്ഛൻ മഹേന്ദ്ര ജെയിനും അമ്മാവനും ബെള്ളാരിയിലെ പ്രമുഖ വസ്ത്രവ്യാപാരികളാണ്. സമാനമായ മറ്റൊരു കേസിൽ മുംബൈ വിമാനത്താവളത്തിൽ കസ്റ്റംസ് ഉദ്യോഗസ്ഥർ സഹിലിനെ മുമ്പ് അറസ്റ്റ് ചെയ്തിരുന്നു. പിന്നീട് തെളിവുകളുടെ അഭാവത്തിൽ വിട്ടയാക്കുകയായിരിന്നു. മാര്‍ച്ച് 3 ന് കെംപെഗൗഡ അന്താരാഷ്ട്ര വിമാനത്താവളത്തില്‍ വെച്ചാണ് രന്യയില്‍ നിന്ന് 12.56 കോടി രൂപയുടെ സ്വര്‍ണ്ണക്കട്ടികള്‍ പിടിച്ചെടുത്തത്. ഇതേത്തുടര്‍ന്ന്, അവരുടെ വസതിയില്‍ നടത്തിയ പരിശോധനയില്‍ 2.06 കോടി രൂപയുടെ സ്വര്‍ണാഭരണങ്ങളും 2.67 കോടി രൂപയുടെ ഇന്ത്യന്‍ കറന്‍സിയും ഉദ്യോഗസ്ഥര്‍ കണ്ടെടുത്തിരുന്നു.
TAGS: KARNATAKA | GOLD SMUGGLING
SUMMARY: Dri arresrs one more person relation with ranya rao
WhatsApp
Telegram
