ബെംഗളൂരു: വൈറ്റ്ഫീല്‍ഡ് ശ്രീ സരസ്വതി എജുക്കേഷന്‍ ട്രസ്റ്റില്‍ ഈ വര്‍ഷത്തെ വേനല്‍ക്കാല സൗജന്യ കന്നഡ പഠന ക്യാമ്പ് മെയ് ഒന്നിന് ആരംഭിക്കും. ദിവസവും ഉച്ചയ്ക്ക് രണ്ടര മണിമുതല്‍ നാലര മണി വരെയാണ് ക്ലാസ് നടത്തുന്നത്. ജോലിക്ക് പോകുന്നവര്‍ക്ക് വേണ്ടി പ്രത്യേക സമയം ഏര്‍പ്പെടുത്തുന്നതാണ്. മെയ് 30 തീയതി ക്യാമ്പ് സമാപിക്കും. ജൂണ്‍ മാസം ഓണ്‍ലൈന്‍ ക്‌ളാസ്സുകള്‍ നല്‍കും. ഏപ്രില്‍ 30 തീയതി വരെ പേര് രജിസ്റ്റര്‍ ചെയ്യാവുന്നതാണ്. മുതിര്‍ന്നവര്‍ക്ക് വേണ്ടിയുള്ള ഈ പഠനക്യാമ്പില്‍ പ്രായപരിധിയില്ല.
കന്നഡ മലയാളം വിവര്‍ത്തകയും ദ്രാവിഡഭാഷാ വിവര്‍ത്തക സംഘത്തിന്റെ പ്രസിഡന്റുമായ ഡോ. സുഷമാശങ്കറിന്റെ നേതൃത്വത്തില്‍ 17 വര്‍ഷമായി സൗജന്യ കന്നഡ പഠന ക്യാമ്പുകള്‍ നടന്നുവരുന്നുണ്ട്. ഓരോ വര്‍ഷവും നൂറുകണക്കിന് മലയാളം, തമിഴ്, തെലുങ്ക്, ഹിന്ദി മുതലായ ഭാഷക്കാര്‍ ക്യാമ്പില്‍ നിന്നും കന്നഡ പഠിച്ചു പോകുന്നു.
പഠനത്തിനാവശ്യമായ നോട്ട്ബുക്കും മറ്റ് സാമഗ്രികളും ക്യാമ്പില്‍ സൗജന്യമായി നല്‍കുന്നതാണ്. കന്നഡ പോലെ തന്നെ മലയാളം എഴുതാനും വായിക്കാനും താല്പര്യമുള്ളവര്‍ക്ക് ഇതേ ക്യാമ്പില്‍ പ്രത്യേകം ക്ലാസുകള്‍ നല്‍കുന്നതാണ്.
കൂടുതല്‍ വിവരങ്ങള്‍ക്ക് 9901041889, 8147212724, 9742853241.
The post സൗജന്യ കന്നഡ പഠന ക്യാമ്പ് appeared first on News Bengaluru.
WhatsApp
Telegram
