ഹീലിയം ഗ്യാസ് ശ്വസിച്ച് ടെക്കി യുവാവിന് ദാരുണാന്ത്യം

ബെംഗളൂരു: ഹീലിയം വാതകം ശ്വസിച്ച് ടെക്കി യുവാവിന് ദാരുണാന്ത്യം. ഹാസൻ സ്വദേശിയായ യാഗ്നിക് (24) ആണ് മരിച്ചത്. ബെംഗളൂരുവിലെ സ്വകാര്യ ഹോട്ടലിലാണ് യാഗ്നിക്കിനെ മരിച്ച നിലയിൽ കണ്ടെത്തിയത്. വിപ്രോയിലെ ജീവനക്കാരനായിരുന്നു യാഗ്നിക്.

തിങ്കളാഴ്ചയാണ് യാഗ്നിക് ഹോട്ടലിൽ മുറിയെടുത്തത്. ചൊവ്വാഴ്ച ഹോട്ടൽ ജീവനക്കാർ വിളിച്ചിട്ടും യാഗ്നിക് പ്രതികരിക്കാതിരുന്നതോടെ ജീവനക്കാർ പോലീസിനെ വിവരമറിയിച്ചു. പോലീസ് എത്തിയ ശേഷം മാസ്റ്റർ കീ ഉപയോഗിച്ച് മുറി തുറന്നപ്പോൾ യാഗ്നിക്കിനെ അബോധാവസ്ഥയിൽ കിടക്കുന്നതാണ് കണ്ടത്.

ഉടൻ തന്നെ ഇയാളെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ആത്മഹത്യ സാധ്യത പോലീസ് പരിശോധിക്കുന്നുണ്ട്. മുറിക്കുള്ളിൽ ഹീലിയം ഗ്യാസ് വന്നത് സംബന്ധിച്ച് അന്വേഷണം പുരോഗമിക്കുന്നുണ്ട്. സംഭവത്തിൽ കേസെടുത്തതായും പോലീസ് പറഞ്ഞു.

TAGS: BENGALURU | DEATH
SUMMARY: Techie found dead inhaling helium gas at hotel