19 കാരിയെ പ്രതിശ്രുത വരൻ കൊലപ്പെടുത്തി

ബെംഗളൂരു: ബെംഗളൂരുവിൽ 19 കാരിയായ പെൺകുട്ടിയെ പ്രതിശ്രുത വരൻ കൊലപ്പെടുത്തി. കിഴക്കൻ ബെംഗളൂരുവിലെ ഡിജെ ഹള്ളിയില്‍ ചൊവ്വാഴ്ച രാവിലെയാണ് സംഭവം. സോയ എന്ന പെൺകുട്ടിയാണ് കൊല്ലപ്പെട്ടത്. കേസിലെ പ്രതി സബീൽ എന്ന 20 കാരന്‍ ഒളിവിലാണ്.

സബീലുമായി പെൺകുട്ടിയുടെ വിവാഹനിശ്ചയം കഴിഞ്ഞിരുന്നു എന്നാണ് റിപ്പോർട്ട്. പോലീസ് പറയുന്നതനുസരിച്ച്, രാവിലെ 6.30 ഓടെയാണ് സംഭവം നടന്നത്. സബീൽ പെൺകുട്ടിയെ വീട്ടിലേക്ക് കൊണ്ടുപോയി കഴുത്തറുത്ത് കൊലപ്പെടുത്തുകയായിരുന്നു. രക്തത്തിൽ കുളിച്ചു കിടക്കുന്ന മൃതദേഹം കണ്ട സബീലിന്റെ കുടുംബാംഗങ്ങൾ പോലീസിൽ അറിയിച്ചതോടെയാണ് സംഭവം പുറത്തറിഞ്ഞത്. സംഭവസ്ഥലത്ത് നിന്ന് സബീൽ പിന്നീട് ഓടി രക്ഷപ്പെടുകയായിരുന്നു. ഡിജെ ഹള്ളി പോലീസ് കേസ് രജിസ്റ്റർ ചെയ്ത് ഇയാളെ കണ്ടെത്താൻ അന്വേഷണം ആരംഭിച്ചിട്ടുണ്ട്. കൊലപാതകത്തിന് പിന്നിലെ കൃത്യമായ കാരണം ഇതുവരെ കണ്ടെത്താനായിട്ടില്ല. മൃതദേഹം പോസ്റ്റ്‌മോർട്ടത്തിനായി ആശുപത്രിയിലേക്ക് മാറ്റി.
SUMMARY: 19-year-old girl killed by fiancé