മലപ്പുറം: സംസ്ഥാനത്ത് നിപ സമ്പര്ക്കപ്പട്ടികയില് ആകെ 425 പേര് ഉള്ളതായി ആരോഗ്യ വകുപ്പ് അറിയിച്ചു. മലപ്പുറത്ത് 228 പേരും പാലക്കാട് 110 പേരും കോഴിക്കോട് 87 പേരുമാണ് സമ്പര്ക്കപ്പട്ടികയിലുള്ളത്. മലപ്പുറത്ത് 12 പേരാണ് ചികിത്സയിലുള്ളത്. 5 പേര് ഐസിയു ചികിത്സയിലുണ്ട്. സമ്പര്ക്കപ്പട്ടികയിലുള്ള ഒരാള് നെഗറ്റീവായിട്ടുണ്ട്.
പാലക്കാട് ഒരാള് ഐസിയുവിലും മറ്റൊരാള് ഐസൊലേഷനില് ചികിത്സയിലുമാണുള്ളത്. പാലക്കാട് 61 ആരോഗ്യ പ്രവര്ത്തകര് സമ്പര്ക്കപ്പട്ടികയിലുണ്ട്. കോഴിക്കോട് ജില്ലയില് സമ്പര്ക്കപ്പട്ടികയിലുള്ള 87 പേരും ആരോഗ്യ പ്രവര്ത്തകരാണ്. പ്രദേശത്ത് പനി സര്വൈലന്സ് നടത്താന് നിര്ദേശം നല്കി.
എല്ലാവർക്കും മാനസിക പിന്തുണ ഉറപ്പാക്കും. പാലക്കാട് സമ്പര്ക്കപ്പട്ടികയിലുള്ളവരെ അവിടെ തന്നെ ഐസൊലേറ്റ് ചെയ്യാൻ ആരോഗ്യ മന്ത്രി നിർദേശം നല്കിയിട്ടുണ്ട്. ഇവരുടെ സാമ്പിളുകള് മാത്രം പരിശോധനയ്ക്ക് അയച്ചാല് മതിയാകും. നിപ സ്ഥിരീകരിച്ച പാലക്കാട്ടേയും മലപ്പുറത്തേയും വ്യക്തികളുടെ റൂട്ട് മാപ്പ് പ്രസിദ്ധീകരിച്ചു.
രോഗവ്യാപനമുള്ള പ്രദേശങ്ങളില് കനിവ് 108 ഉള്പ്പെടെയുള്ള ആംബുലന്സുകള് സജ്ജമാണ്. ഉറവിടം കണ്ടെത്താനുള്ള പ്രവര്ത്തനങ്ങള് ശക്തമാക്കാൻ മന്ത്രി നിര്ദേശം നല്കിയിട്ടുണ്ട്.
SUMMARY: 425 people on Nipah contact list in the state; most of them in Malappuram
WhatsApp
Telegram
