ആട്ടിൻ തൊഴുത്തിന് തീപ്പിടിച്ച് 700 ആടുകൾ ചത്തു

ബെംഗളൂരു: റായ്ച്ചൂരില്‍ ആട്ടിൻ തൊഴുത്തിലുണ്ടായ തീപ്പിടിത്തത്തിൽ 700-ഓളം ആടുകൾ ചത്തു. സിന്ദനൂർ താലൂക്കിലെ മുക്കുണ്ടയില്‍ വെള്ളിയാഴ്ച പുലർച്ചെ മൂന്നോടെയാണ് സംഭവം. വൈ. ഹേമലത മധുസൂദനൻ റാവുവിൻ്റെ ഉടമസ്ഥതയിലുള്ള അഞ്ച് ഏക്കർ കൃഷിയിടത്തിൽ സ്ഥാപിച്ചിരുന്ന രണ്ട് ആട്ടിൻ തൊഴുത്തിനാണ് തീപിടിച്ചത്.

തൊഴുത്തിൽനിന്ന് തീയും പുകയും ഉയരുന്നത് കണ്ടതിനെത്തുടർന്ന് നാട്ടുകാർ സ്ഥലത്തെത്തി അണയ്ക്കാൻ ശ്രമിച്ചെങ്കിലും സാധിക്കാത്തതിനെ തുടർന്ന് അഗ്നിരക്ഷാസേനയെ വിവരം അറിയിക്കുകയായിരുന്നു. തീപ്പിടിത്തത്തിനുള്ള യഥാർഥ കാരണം വ്യക്തമായിട്ടില്ല. ഏകദേശം രണ്ട് കോടി രൂപയുടെ നഷ്ടം സംഭവിച്ചതായി ഉദ്യോഗസ്ഥർ അറിയിച്ചു.

SUMMARY: 700 sheep die in sheepfold fire