കൊല്ലത്തെ ‘തീ തുപ്പുന്ന കാര്‍’ കണ്ടെത്തി മോട്ടോര്‍ വാഹന വകുപ്പ്

കൊല്ലം: തീ തുപ്പുന്ന വാഹനം കണ്ടെത്തി മോട്ടോർ വാഹന വകുപ്പ്. പളളിക്കല്‍ സ്വദേശി മുഹമ്മദ് ഇർഫാന്റെതാണ് വാഹനം. വാഹനത്തിന്റെ രജിസ്ട്രേഷൻ റദ്ദാക്കുമെന്ന് മോട്ടോർ വാഹന വകുപ്പ് അറിയിച്ചു. അന്വേഷണം തുടങ്ങിയതോടെ വാഹനവും ഉടമയും ഒളിവിലാണ്. വാഹന ഉടമയുടെ വീട്ടില്‍ മോട്ടോർ വാഹന വകുപ്പ് എൻഫോഴ്സ്മെൻറിന്റെ പരിശോധന നടത്തിയിരുന്നു.

കഴിഞ്ഞ ദിവസം കുണ്ടറയിലെ വിവാഹ ചടങ്ങിന് എത്തിയതായിരുന്നു കാർ. അവിടെ നിന്നും സമൂഹ മാദ്ധ്യമങ്ങില്‍ പ്രചരിച്ച വീഡിയോ മോട്ടർ വാഹന വകുപ്പിന് നാണക്കേടായിരുന്നു. വലിയ രീതിയില്‍ തീ തുപ്പി കനത്ത ശബ്ദത്തോടൊണ് വാഹനം ഓടിയിരുന്നത്. എന്നിട്ടും മോട്ടർ വാഹന വകുപ്പിന് വാഹനം പിടികൂടാൻ കഴിയാത്തത് വലിയ വിമർശനത്തിന് വഴിവെച്ചിരുന്നു.

SUMMARY: Motor Vehicle Department finds ‘fire-breathing car’ in Kollam